Spain ko pegan na adà he gbọngodo to Euro 2024 mẹ to whenuena yé duto France ji podo agó 2-1 po
|
This article is written in Gun (Gungbe) |
Yọnnuzangbe 11, Liyasun 2024
Lamine Yamal he yin ovi owhe 16 lẹzun jọja agódotọ he whè hugan to agbàwhinwlẹn lọ mẹ dile Spain lẹkọ nado hò France podo agó 2-1 po to Munich to Oguzangbe nado pegan na adà he gbọngodo to Euro 2024 mẹ. To whenuena Randal Kolo Muani do agó podo otá po ehe Kyliani Mbappe gbá hlan ẹn godo to nukunwhiwhe ṣiẹnẹtọ mẹ, Spain lẹ agbàwhinwhlẹn lọ to nukunwhiwhe ẹnẹ gblamẹ bo fli agó awe lẹkọ sọta agbáwhlẹntọ yetọn he ko yin dido agó sọta wla dopo gee to agbàwhinwhlẹn atọ́n he yé ko gbá mẹ. Spain he yin alemọtọ na whla atọ̀n lẹzun bọlu-hògbẹ́tintan he gbawhàn na wla ṣidopotọ to agbàwhinwhlẹn Euro tọn mẹ podọ yé tindo agbàwhinwhlẹn dopo gee dogọ ehe yé dona duto e ji nado biọ kàndai mẹ na wla ẹnẹtọ. France he ko pegan na adà he gbọngodo na whla atọ̀n to agbàwhinwhlẹn ẹnẹ he ko wayi mẹ na yin kinkanse nuhe zọn bọ yé do gboawupo mahopọna bọlu-hòtọ́ dagbe he yé tindo lẹ. France ko tindo agó atọ̀n gee to agbàwhinwhlẹn lọ mẹ ehe depope ma yin Dido gbọn bọlu-hòtọ́ France tọn dali ehe ma hẹn homẹ anademẹtọ yetọn Didier Deschamps tọn hùn ehe zọn bọ Antoine Griezmann sinai na Ousmane Dembele.
Yamal wẹ gọalọna Fabian Ruiz nado do agó tintan to nukunwhiwhe ẹnẹtọ mẹ podo ota po. Nukunwhiwhe ẹnẹ godo Mbappe basi alọgọ Yamal tọn nkọ pẹpẹ na Kolo Muani nado ze France do nukọn.
Asisa lẹ
[jlado | jla asisado]- "Spain into Euro 2024 final after 2-1 win over France".– Vanguard, July 09, 2024