Jump to content

Espagne ko kpégan ná adà xe gbɔngodo to Euro 2024 mɛ to hwenuena yé ɖuto France ji kpódó agó 2-1 kpó

Sọn Wikilinlin
     

Cet article est écrit en Gun (Bénin)

nyɔnuzangbe 11, liyasun 2024

Lamine Yamal xe nyí ovi oxwe 16 lɛzun jɔja agódótɔ xe hwè húgǎn to agbàhwinwlɛn lɔ mɛ ɖilě Espagne lɛkɔ nádó xò France kpódó agó 2-1 kpó to Munich to oguzangbe nádó kpégan ná adà xe gbɔngodo to éuro 2024 mɛ. To hwenuena Randal Kolo Muani dó agó kpódó otá kpó éxe Kylian Mbappe gbá hlan ɛn godo to nukúnxwixwe ciɛnɛtɔ mɛ, Espagne lɛ agbàhwinhwlɛn lɔ to nukúnxwixwe ɛnɛ gblamɛ bo fli agó awe lɛkɔ sɔta agbáhwlɛntɔ yětɔn xe ko nyí didó agó sɔta wla dókpó gee to agbàhwinhwlɛn atɔ́n xe yé ko gbá mɛ. Espagne xe nyí alemɔtɔ ná hwla atɔ̀n lɛzun bɔlu-xògbɛ́tintan xe gbahwàn ná wla cidókpótɔ to agbàhwinhwlɛn éuro tɔn mɛ kpóɖɔ yé tindó agbàhwinhwlɛn dókpó gee dógɔ éxe yé ɖóná ɖuto é ji nádó byɔ́ kànɖayǐ mɛ ná wla ɛnɛtɔ. France xe ko kpégan ná adà xe gbɔngodo ná hwla atɔ̀n to agbàhwinhwlɛn ɛnɛ xe ko wayi mɛ ná nyí kinkanse nǔxe zɔn bɔ yé dó gboawukpó maxokpɔna bɔlu-xòtɔ́ ɖagbe xe yé tindó lɛ. France ko tindó agó atɔ̀n gee to agbàhwinhwlɛn lɔ mɛ éxe ɖékpókpé ma nyí didó gbɔn bɔlu-xòtɔ́ France tɔn dali éxe ma hɛn xomɛ anaɖémɛtɔ yětɔn Didier Deschamps tɔn hùn éxe zɔn bɔ Antoine Griezmann sinai ná Ousmane Dembele.

Yamal wɛ gɔalɔna Fabian Ruiz nádó dó agó tintan to nukúnxwixwe ɛnɛtɔ mɛ kpódó ota kpó. nukúnxwixwe ɛnɛ godo Mbappe basí alɔgɔ Yamal tɔn nkɔ kpɛkpɛ ná Kolo Muani nádó ze France dó nukɔn.

Asisa lɛ

[jlado | jla asisado]
Gọẹ yi sọn "https://guw.wikinews.org/w/index.php?title=Espagne_ko_kpégan_ná_adà_xe_gbɔngodo_to_Euro_2024_mɛ_to_hwenuena_yé_ɖuto_France_ji_kpódó_agó_2-1_kpó&oldid=19236"