Yujẹhọn de to Delta hù gbẹtọ ṣidopo dile singigọ plọ́ visunnu owhe 10-mẹvi de sọyi

Ahọluzangbe, Lidosun 21, 2023

Linlin lẹ dohia dọ gbẹtọ ṣidopo wẹ yin hùhù to yujẹhọn de he wá aimẹ to lẹdo gandudu dokọ̀ tọn Oko Oshimili tọn godo to ayimatẹn Delta tọn.

Yujẹhọn lọ sọ hẹn owhé susu gble to Okwe po Issele-Azagba po, gọna fidevo lẹ ga.

Mẹmẹsunnu Charles Aniagwu, he yin ogán he nọ penukundo nudọnamẹ lẹ go to ayimatẹn lọ mẹ, mẹhe yigbe to Yọnnuzangbe dọdọ nujijọ lọ jọ nugbo, dọdọ omẹ atọ́n devo he sọ gbleawu lẹ to yinyin nukunpedego to dotowhe.

Aniagwu dọdọ, "Omẹ ṣidopo wẹ hẹn ogbẹ̀ yetọn bu na yujẹhọn he jọ to lẹdo Oko tọn mẹ lọ wutu."

"Ohọ̀ de họ́ bo hẹn okú wá na gbẹtọ ṣidopo, mẹdopo gbleawu taun bo to yinyin nukunpedego to dotowhe daho Asaba Specialist Hospital tọn, podọ omẹ atọ́n devo delẹ he sọ gbleawu lẹ to ganji."

"Nujijọ lọ yin kosọ ylankan de bosọ blawu taun. Odẹ̀ mítọn wẹ yindọ Jiwheyewhe ni na tuli whẹndo mẹhe hẹn mẹyiwanna yetọn bú lẹ tọn bosọ hẹn afọ yetọn lẹ lodo nado sọgan doakọnna numọtolanmẹ hẹnbu tọn yẹtọn lẹ."

To whenue Aniagwu to nudọnamẹ devo he gando nujijọ lọ go na, e dọdọ visunnu owhe 10-mẹvi de yin piplọ́ yì gbọn singigọ de dali to awà Okotomi tọn ji to lẹdo Okpanam tọn mẹ, to lẹdo gandudu dokọ̀ tọn Oshimili North tọn mẹ.

E dọdọ ayimatẹn-gán ayimatẹn lọ tọn to anadena tito lehe oṣiọ ovi lọ tọn na yin mimọ do tọn.

Asisa lẹ

• Matthew Ochei. "Delta rainstorm kills six as flood sweeps 10-year-old boy away". — Punch. April 21, 2023
• Nsikak Nseyen. "10-year-old boy drowns, as rainstorm kills 6 others in Delta". — Daily Post. April 21, 2023