Jump to content

Ye deso do omẹ dopo dile hagbẹ NURTW fọn hunyanhunyan de dote to Ondo

Sọn Wikilinlin

Oguzangbe, Lidosun 25, 2023

Hunyanhunyan de fọ́n to Ikare Akoko he yin tatọ-tẹnnọ̀ Lẹdo Gandudu Dokọ̀ tọn Akoko North-East tọn to ayimatẹn Ondo tọn mẹ dile dopo to hagbẹ National Union of Road Transport Workers lẹ fọn hunyanhunyan dote to tẹnigbe.

To hunyanhunyan lọ mẹ, mí sè dọ sopẹ́n jẹ dopo to tomẹnu lẹdo lọ mẹ tọn de, he yin yinyọnẹn di Semiu Aliu, bo yin tokunọ de go.

Dile gufọ́ntọ awè delẹ sọn ogbẹ́ NURTW lẹdo lọ mẹ tọn to osò de pe, mẹhe tindo sọfu lẹ po ahisinọ lẹ po yawu jẹ ṣọfù yetọn lẹ sú ji bọ mẹhe to lẹdo lọ mẹ lẹ to wezun họ̀n yidọ́n-yide nado họ́ yede.

Tẹnsisẹ mọto po kẹkẹ lẹ po tọn lọsu yin alọhẹndotena na ganhiho susu lẹ, ehe zọn bọ afọ wẹ mẹlẹ zọ̀n sọyi fihe yé jei.

Mẹde he yin kunnudetọ nujijọ lọ tọn dọ dọ, "Hunyanhunyan lọ bẹjẹeji to whenue yè mọ hagbẹ agbero lẹ tọn delẹ to gbẹtọ lẹ bẹ to lẹdo Oloko tọn mẹ fihe tohọluduta lọ ko dosẹ́n dọ mẹde ma dona bẹ mẹlẹ te.

“To whenue yè diọnukúnsọ yé, húnkuntọ lọ lẹ setonu bo sẹtẹ̀n sọn fihe yé glinhún lẹ do lọ amọ́ yé sọ vọ́ dogbẹ́ dogọ bo lẹkọwa bo jẹ zannu lẹ dlan ji. To whenue ehe lẹpo to jijọ, jíkun jẹ jija ji bọ mẹlẹpo tọ́n sọn filọ.

To whenue jikun lọ ko kẹn po godo, ye sọ tọ́n jẹ gbangba po oso po bo jẹ dide e ji dopodopo. Bọ yé sọ de oso do omẹ dopo sọn lẹdo Okela tọn mẹ. É sọ yin zize sọyi dotowhe Oke Royal tọn fihe é to nukunpedomẹgo mọyi te.”

Asisa lẹ[jlado | jla asisado]