Yé mọ asu po asi po he ko bà yede mẹ pò delẹ to ohọ̀ yetọn mẹ, podọ ovivu yetọn ko kú

Sẹgbe, Whejisun 12, 2023

To Sibigbe, Ponọ he to ayimatẹn Ondo tọn lẹ dọdọ yé ko jẹ dodinnanu basi ji nado yọn nuhe hù nawe de po ovi etọn po to ohọ̀ yetọn mẹ to Owo, to lẹdo gandudu dokọ̀ tọn Owo tọn, to ayimatẹn Ondo tọn.

Linlin lẹ dohia dọ nawe owhe 29-mẹvi lọ he nọ yin yiylọdọ Tawa, po asu etọn po yin mimọ to ohọ̀ yetọn mẹ to Ahọluzangbe bọ yé ko bà yede mẹ pò, podọ ovivu yetọn he yin osun atọ́n-mẹvi de ko kú.

E yin didọ dọ yé omẹ atọ̀n lẹ to ganji to whenue yé damlọn to Yọnnuzangbe zánmẹ.

Asisa nudọnamẹ tọn de dọdọ asu po asi po lọ lẹ họ̀ zomọ he nọ na miyọ́n lẹtliki tọn yọyọ de to azán kleun de jẹnukọnna azán he gbe nujijọ lọ jọ te, podọ yé sọ tá zomọ lọ to Yọnnuzangbe whèjai whẹpo do mlọnai, ehe zọn bọ mẹlẹ to linlẹn dọ e sọgan ko yindọ azọ̀ zomọ lọ tọn wẹ na ko hẹn nujijọ lọ wá aimẹ.

Asisa lẹ

• Peter Dada. "Ondo couple found unconscious in room, baby dies". — Punch. March 11, 2023
• "Ondo couple found unconscious in room, baby dies". — The Eagle Online. March 11, 2023