Yè mọ oṣiọ dawe ajọ́watọ Imo-nu de tọn to Anambra to whenue yè ko sú mẹfligọkuẹ Naira livi 10 do ota etọn mẹ godo

Oguzangbe, Nuwhàsun 9, 2023

Mí sè dọ oṣiọ dawe ajọwatọ de tọn sọn ayimatẹn Imo tọn mẹ, Ikechukwu Ebelebe ko yin mimọ to osẹ̀ awe godo he e yin fìnfìn ze gbọn sozetọ lẹ dali to otò etọn Owerre-Akokwa he tin to gandudu dokọtọn Ideato-North, ayimatẹn Imo tọn mẹ.

E yin didọ dọ oṣiọ etọn yin mimọ gbọn mẹhe nọ nọ̀ gbétatò he mẹ e yin mimọ te lẹ dali to lẹdo de mẹ to gandudu dokọtọn Orumba South ayimatẹn Anambra tọn mẹ bọ e sọ yin zize do mọgu dé mẹ fie ponọ lẹ do mẹhe e yin hia te to Sibigbe.

Ehe jọ to whenuena e yin didọ dọ danuwatọ he ma ko yin yinyọnẹn lọ lẹ ko yí mẹfligọkuẹ naira livi 10 sọn hẹnnumẹ etọn lẹ si do ota etọn mẹ godo.

Mẹde sọn lẹdo lọ mẹ he ma jlo na do ede hia dọdọ, "Mẹhe nọ nọ̀ gbétatò he sẹpọ ogbe he mẹ yè oṣiọ lọ yin zize do lẹ jẹ owán ylankan de sè ji to lẹdo lọ mẹ." Dodinnanu whenu wẹ yé mọ oṣiọ lọ po alọgọ ponọ lẹ tọn po, he ze yì mọgu fie ponọ lẹ hẹn ẹn diun dọ dawe ajọ́watọ lọ wẹ oṣiọ lọ"

To whenuena hoyidọtọ ponọ lẹ tọn ayimatẹn Anambra tọn DSP Tochukwu Ikenga to hó gblọnna linlin-kàntọ lẹ to Sẹgbe, e dọdọ oṣiọ lọ ko yin jijo na ponọ he to dodinnanu basi lẹ sọn ayimatẹn Imo tọn mẹ.

Asisa lẹ

• Ikenna Obianeri." Kidnapped Imo bizman found dead in Anambra after N10m ransom payment". — Punch. May 8, 2023
• Ebunoluwa Olafusi. "Kidnappers ‘kill’ Imo businessman after collecting N10m ransom". — The Cable. May 8, 2023