Yè dá kú-whẹ̀ na dawe Ekiti-nu de na e hù kọmẹnu etọn na zokẹkẹ wutu

Sọn Wikilinlin

Azangaagbe, Lidosun 26, 2023

Whẹdatẹn de to ayimatẹn Ekiti tọn he to lẹdo Ado Ekiti tọn mẹ ko dá kú-whẹ̀ na dawe de he nọ yin Ismaila Ojo nado yin hùhù gbọn kànsislokọna dali na e hù dawe de he nọ yin Kareem Adu, na zokẹkẹ wutu.

Ojo yin zize yì owhẹ̀ nukọn podọ whẹwhinwhẹn lẹ dohia dọ e hùwhẹ mẹhuhu tọn na e hùmẹ to azán 13tọ Nuwhàsun, 2018 tọn.

Whẹdatọ Olusegun Ogunyemi dọdọ to whenue dodinnanu po whẹwhinwhẹn he sọawuhia to whẹdatẹn lọ lẹ po yin pinpọ́n godo, "N'doayiego dọ mẹhe yin whẹsadokọna lọ wẹ hù matintọ lọ to whenue e fiyọ́n vẹgó na ẹn."

"To popolẹpo mẹ, "N'mọ dọ mẹhe yin whẹsadokọna lọ hùwhẹ owhẹ̀ he yin sisadokọna ẹn tọn. Na ehe wutu, kú-whẹ̀ wẹ yin dida na we (mẹhe yin whẹsadokọna lọ) nado yin kànsislokọna kakajẹ whenue a na kú."

Jẹnukọnna ehe, ponọ-gán Tunde Arowosola, ko dọ na whẹdatẹn lọ dọdọ nawe de he nọ yin Agnes Adu wá ponọpa mẹ bo jẹwhẹ̀ dọ asu emitọn ko yin hùhù to Odo-Uro gbọn dawe de he nọ yin Ismaila Ojo dali na nudindọn de gando mẹhe tindo zokẹkẹ de go wutu.

Arowosola dọdọ nawe lọ sawhẹdokọna dawe (Ojo) lọ dọdọ e fiyọ́n vẹgó na matintọ lọ bo hù i.

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Yè_dá_kú-whẹ̀_na_dawe_Ekiti-nu_de_na_e_hù_kọmẹnu_etọn_na_zokẹkẹ_wutu&oldid=16834"