Whẹdatẹn sẹ́ devizọ́nwatọ dai Imo tọn do gan na owhe atọ̀n

Yọnnuzangbe, Whejisun 16, 2023

Devizọnwatọ dai tọn na tẹnsẹnamu ayimatẹn Imo tọn, Laz Anyanwu, yin sisẹ́ do ganmẹ to Oguzangbe.

Anyanwu he sẹn to gandudu ayimatẹn-gán dai tọn Rochas Okorocha tọn glọ, yin sisẹ́ do ganmẹ to whenue e hù owhẹ he yin sisa dokọna godo gbọn ogbẹ́ Economic and Financial Crimes Commission (EFCC) dali.

Whẹdatọ lọ, K.A Lewanya, to whenue e to owhẹ da na devizọnwatọ dai tọn lọ, e dọmọ, e dona yin to ojlẹ dopolọ mẹ.

Whẹdatọ lọ dọ dọ sẹ́nhẹngbatọ lọ huwhẹ mẹhodu, tokuẹ bibẹdu po ajo po.

Whẹdatọ lọ dọmọ, Devizọ́nwatọ dai tọn lọ fin akuẹ livi 180 ayimatẹn lọ tọn do akuẹsẹdotẹn azọ́nwhé mẹdetiti tọn fihe ewọ wẹ yin mimatọ hugan lọ te to whenue e lẹzun Devizọ́nwatọ tẹnsẹnamẹnu tọn podọ azinponọ azọ́nwhé tẹnsẹnamu ayimatẹn Imo tọn he jẹagọdo section 12 po 19 po ICPC Act 2020 tọn.

Whẹdatọ lọ basi dide dọ Anyanwu ko gbọn nuyiwa enẹ dali gbasẹ́n Public Procurement Act bo zannù do azọ́ntẹn etọn go bosọ yi azọ́ntẹn lọ zan taidi dotẹnmẹ hundote susu na nuyiwa etọn to ojlẹ he mẹ e yin devizọnwatọ na tẹnsẹnamẹnu lẹ podọ azinponọ na azọ́nwhé tẹnsẹnamẹnu ayimatẹn Imo tọn.

Whẹdatọ lọ dọ dọ Whẹyidọtọ EFCC tọn, Michael Ani, penugo nado na kunnudenu he pemẹnu dọ dọ whenue Anyanwu yin Devizọnwatọ na tẹnsẹnamẹnu lẹ to 2015 po 2019 po ṣẹnṣẹn, e bẹ akuẹ naira livi 100 sọn akuẹsẹdotẹn ogbẹ́ lọ tọn do akuẹsẹdotẹn azọ́nwhé mẹdetiti tọn etọn he yin Oma oil Industries Limited, he jẹegọdo osẹ́n section 12 po 19 po ICPC Act 2020 to na devizọ́nwatọ gbangba tọn lẹ.

Whẹdatọ lọ sọ dọmọ, devizọ́nwatọ dai tọn lọ yi akuẹ livi 80 devo sọn ahọlugba mẹ tlọlọ do akuẹsẹdotẹn azọ́nwhé medetiti tọn etọn mẹ podo ayiha gigẹdẹ lọ po dọ e jlo na họ̀ mọto delẹ dogọ do azọ́nwhé tẹnsẹnamẹnu tọn.

Whẹdatọ lọ, to whenuena e to whẹdana ẹn nado yi sẹngan, dọmọ, devizọ́nwatọ dai tọn lọ fin akuẹ naira livi 180 he yin mimọ to akuẹsẹdotẹn etọn mẹ he dona tin to azọ́nwhé tẹnsẹnamẹ ayimatẹn lọ tọn.

Asisa lẹ

• Chidiebube Okeoma. "Court jails ex-Imo commissioner for three years". — Punch. March 14, 2023
• Kingsley Nwezeh. "Ex-Imo Commissioner Jailed Three Years over Diversion of N180m". — ThisDay. March 15, 2023