Wehọmevi wehọmẹ alavọ tọn de kú to dotowhe daho LUTH tọn na e ma mọ nukunpedomẹgo yí na dọzan ma tin wutu

Azangaagbe, Whejisun 21, 2023

Hẹnnu wehọmevi wehọmẹ alavọ University of Port Harcourt tọn, Deborah Doofan, ko biọ aluẹmẹ whenue e kú do gbangba to ohọ̀ nugbajẹmẹji ajiji tọn to dotowhe daho Lagos University Teaching Hospital, Idi-Araba, to Surulere, na tẹnmẹ adọzan tọn de ma tin e ni do yawu mọ nukunpedomẹgo yi.

Linlin-kàntọ lẹ dohia dọ kakajẹ whenue Doofan do yin matintọ, e ko to azọ̀n ylankan de jẹ he zọn bọ ahún etọn nọ to hiho zẹjlẹgo.

E yin didọ dọ Doofan, he tin to ohọ̀ tintan mẹ to wehọme alavọ UNIPORT tọn to nuplọn to wehọme whenue nujẹeji bọ yé sọ yawu ze e yì dotowhe nupinplọn tọn to UNIPORT.

Doofan sin mẹdaho sunnu, Prince, dọdọ nọviyọnnu emi tọn to yínyín nukunpedego to dotowhe bọ to enẹgodo e yin didọ dọ e do azọ̀n he yè nọ ylọ dọ hyperthyroidism to Alunlunsun 2022. Azọ̀n lọ zọn bọ ahún etọn jí, e sọ yin didọhlan dotowhe LUTH tọn to Awọnlin nado yì mọ̀ doto he nọ wazọ́n gando azọ̀n ehe go. E sọ tlọn Port Harcourt bo wa Awọnlin to 24 Awewesun, 2022. Prince zẹẹme dọ yé to bowlena ninọmẹ lọ kakajẹ Tẹnigbe whenue ninọmẹ lọ diọ adà devo bọ ye yawu ze e jẹ dotowhe LUTH tọn to ogan awe mẹ to zanmẹ, bosọ ylọ alokan nugbajẹmẹji ajiji tọn. Enẹgodo wẹ doto de tọ́n bo pọ́n ninọmẹ etọn bosọ lẹkọ do homẹ. To nukunwhiwhe kleun dé godo e tọ́n bo dọna mí dọ adọzan lẹpo ko gọ́ dọ tẹnmẹ de ma tin nado penukundo e go. N'vẹ ẹ nado pọn e go na ninọmẹ lọ nido pọnte pẹde whẹpo tẹnmẹ nido tin to họmẹ.

Ṣigba e dọdọ osẹ́n yetọn ma nagbe dọ yé ni penukundomẹgo to gbangba dotowhe lọ tọn. "N'sọ vẹ ẹ dọ e ni dike na ze e biọ họmẹ bo Sinai do kọmẹ bosọ ze nọvi ṣe do afọ ji e ni sọgan do penukundo e go ṣigba e sọ gbẹ. Doofan kú do ohọ̀ lọ nukọn whenue n to dindin tafo he ji na ze e do". E dọdọ hẹnnumẹ etọn lẹ ko to tito basi nado ze e yì otò yetọn mẹ to Benue nado dii.

Asisa lẹ

• Naomi Chima. "Undergraduate denied treatment over bed space dies in LUTH". — Punch. March 20, 2023
• "Ailing UNIPORT student d*es after being denied bed space in LUTH". — Pulse. March 20, 2023