Wehọmevi de hù ede whenuena e gú wehọmẹ-kuẹ etọn to akọhiho mẹ godo
Yọnnuzangbe, Nuwhàsun 25, 2023
Mí sè dọ wehọmevi de sọn wehọmẹ alavọ tọn Federal Polytechnic, Ilaro, to ayimatẹn Ogun tọn mẹ, Samuel Adekoya ko yin didọ dọ e hù ede gbọn amasin-adínọ de nunu dali whenuena e ko gú wehọmẹ-kuẹ etọn po họntọn etọn tọn po tọn to akọhiho intẹnẹt ji tọn de godo.
Dodinnanu he linlin-kàntọ lẹ basi dohia dọ matintọ lọ zán wehọmẹ-kuẹ etọn do hòakọ to intẹnẹt ji to Ahọluzangbe bosọ gú akuẹ lọ.
Adekoya, he yin wehọmevi he to ohọ̀ awetọ mẹ he yè nọ ylọ dọ National Diploma II bo to nuplọn do elẹtliki ji he yin yinyọnẹn taidi Electrical Electronic Engineering hù ede to Tẹnigbe, whenue hagbẹ etọn lẹ to awuwlena tẹnpọn adà tintan tọn (first-semester exam) yetọn.
E sọ yin didọ dọ e fìn họntọn etọn he po e po nọ nọ họ̀nu dopolọ mẹ sin wehọmẹ-kuẹ dile e zan họnhungan wekun tọn etọn (password) do yi akuẹ lọ bosọ gú ẹnẹ lọsu.
E sọ yin didọ dọ wehọ lọ ko na avase dọ wehọmevi he ma ko na wehọmẹ-kuẹ etọn ma to na basi tẹnpọn dé.
Adegoke yin zize yi dotowhe he tin to wehọ lọ pamẹ ṣigba to ojlẹ kleun dé godo e yin didọhlan dotowhe devo to Ilaro whẹpo e dọ yin lila dọ e ko kú.
Hoyidọtọ wehọmẹ lọ tọn Sola Abiala, he hẹn ẹn diun dọ nujijọ lọ wa aimẹ, dohia dọ whẹho lọ yawu ze e yi dotowhe daho nado whlẹn gbjgbọ etọn ṣigba e kú to ojlẹ kleun dé godo.
E dọdọ dodinnanu dotowhe tọn dohia dọ matintọ lọ ko zan amasin-adínọ dé.
Asisa lẹ
[jlado | jla asisado]- Daud Olatunji. " Ogun student commits suicide after losing school fees to gambling". — Punch. May 24, 2023
- Afolabi."Ogun Student kills self after losing school fees to betting".— Within Nigeria. May 24, 2023