Viyọnnu wehọmevi Germany-nu awe yigbe dọ emi wẹ sọnú owhe 12 mẹvi dé

Sọn Wikilinlin

Azangaagbe, Whejisun 15, 2023

Viyọnnu wehọmevi awe delẹ ko yigbe nado ko sọnú owhe 12 mẹvi dé kaka e do ku to Germany, wẹ Ponọ lẹ dọ to Oguzangbe, to whẹho de he yin nupaṣamẹ na otò lọ blebu. Matintọ lọ he yin yinyọnẹn di Luise, yin bibapo lto Sibigbe whemẹ whenuena e ko tlọn họntọn etọn de sin whégbe to fihe sẹpọ topẹvi Freudenberg tọn, Rhine-Westphalia.

Oṣiọ Luise tọn yin mimọ to aihọngbe to atinlà de mẹ he ma dẹn do owhé etọn gbe.

E yin didọ dọ ovi lọ kú gbọn awugble he e mọ sọn ohi he yè do sọ́ ẹ podọ ohùn susu he e gú dali wẹ whẹdọtọ Koblenz tọn Mario Mannweiler dọ, bosọ yidogọ dọ nudepope ma dohia dọ yé zanhẹ ẹ.

Viyọnnu awe owhe 12 po 13 mẹvi dé po, ko yigbe mẹhuhu lọ tọn, wẹ Ponọ lẹ dọ. Viyọnnu awe lọ lẹ kàn nuhe yé yọnẹn gando whẹho lọ go bọ to vivọnu yé yigbe nuylankan he yé wa lọ tọn. Ovi awe lọ lẹ po Luise po yọn yedelẹ dile whẹdọtọ Mannweiler dọ do. Ṣigba e ma zindonukọn nado basi zẹẹme susu do whẹho lọ ji na owhe ovi lọ lẹ tọn wutu, ehe yin didọ dọ e whè nado dọwhẹ̀ mọnkọtọn to Germany, na yedọ to otò Germany tọn mẹ, whèpo mẹde sọgan siọ owhẹ̀ he hù tọn e dọna do owhe 14.

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Viyọnnu_wehọmevi_Germany-nu_awe_yigbe_dọ_emi_wẹ_sọnú_owhe_12_mẹvi_dé&oldid=15607"