Viyọnnu de hù nọviyọnnu etọn po oso họtọn mẹjitọ yétọn tọn po
Oguzangbe, Whejisun 14, 2023
Viyọnnu owhe atọ̀n mẹvi de to Houston, Texas, United States, ko deso do nọviyọnnu etọn owhe 4 mẹvi de to mayọnẹn mẹ, ovi lọ mọ oso ehe to whenue mẹjitọ yétọn lẹ jo yé do owhé họtọn mẹjitọ yétọn tọn gbe matin bowlena.
Nujijọ lọ wa aimẹ to owhé whẹndo lọ tọn gbe to Sẹgbe, whejisun 12, to ogan 8 zanmẹ tọn mẹ.
Sọgbe hẹ ohó intẹnẹti tọn de, Harris County Sheriff Ed Gonzalez dọ dọ ovi lọ lẹ mayin nukunpedego ganji na dopo to mẹjitọ lọ lẹ mẹ to abò mẹ dile mẹde lẹndo mẹdiẹ to pinpọn ovi lọ lẹ.
Mẹho atọ́n devo to ohọ̀ lọ mẹ he yin hagbẹ po họntọn whẹndo lọ tọn to Bammel North Houston Road, finẹ lọ wẹ mẹjitọ ovi he basi matintọ lọ tọn te.
Nugbo wẹ dọ owhe atọ̀n mẹvi lọ mọ oso pẹvi de he sopẹ́n to e mẹ bo de whladopo poun do mẹdaho etọn, enẹ wẹ nuhe Sheriff dọ.
Mẹho lọ lẹ bẹwezun yi abò lọ mẹ to whenue yé sè nudidọ oso lọ tọn he yin dide do mẹdaho owhe ẹnẹ mẹvi lọ he ma sọ to gbigbọ ba.
Yé yi oso lọ sọn e si bo ylọ alọgọtọ lẹ gbọn alokan 911 po to afọdopolọji.
Sheriff Gonzalez dọmọ, "e taidi odlọ klewhete tọn de, yèdọ, ovi pẹvi de tindo dotẹnmẹ bo ze oso bosọ de do mẹ bọ e hẹn awugble daho wa".
"Ahun mítọn gbado. hihọtọ mítọn lẹ lọsu to budi," Gonzalez zindonukọn dọmọ, to yinyọnẹn dọ alọgọtọ na tin otẹn lọ mẹ nado gọalọ na ponọ lẹ po whẹndo lọ lẹ po.
"To whenue ovi basi matintọ to aliho ehe mẹ, e nọ yinuwado lẹdo lọ ji taun," e dọ bosọ yidogọ dọmọ, sodedomẹ yin dopo to nuhe yè ko to tintẹnpọn nado dapana taun.
Mí zindonukọn nado sẹ́ owẹn lọ hlan dọmọ, e ma yọnbasi nado dapana.
A dona yọnẹn dọ a ko penugo nado lẹzun mẹhe tindo oso de podọ a dona basi hihọna ganji, enẹ yọn hugan nado dọna yọpọvu lẹ dọ, madoalọ e go blo.
Azọ́nwatẹn Harris County District Attoney tọn wẹ na basi dide vlavo eyin mẹho enẹlẹ na panukọn owhẹ̀ sọgbẹ hẹ dodinnanu ponọ lẹ tọn he gbẹ tin to ada bẹjẹeji etọn tọn sọgbe hẹ nuhe Gonnzalez dọ.
Nọtẹn intẹnẹti tọn dohia dọ, ogbẹ́ alọgọnamẹtọ tọn he tin to lẹdo lẹpo mẹ dọ dọ sọgbe hẹ sọhahinanu sodide tọn to owhe ehe lọsu mẹ ko sọ 58 to mayaọnẹn gbọn ovi lẹ dali to US he dekọtọn do okú ome 22 tọn po awugble na omẹ 37.
Ogbẹ́ lọ yidogọ dọmọ, to 2022, mẹhe yin sodedo to mayọnẹn mẹ gbọn yọpọvu de dali yi 353, he dekọtọn do okú 156 mẹ, bọ omẹ 212 gbleawu.
Asisa lẹ[jlado | jla asisado]
- "Girl kills sister with parents’ friend’s pistol". — Punch. March 13, 2023
- Chris Boyette and Eric Levenson. "3-year-old girl fatally shoots 4-year-old sister with unsecured firearm, Texas sheriff says". — CNN. March 13, 2023