Viyọnnu Gombe-nu de he ma do alọ bo nọ kanwe po afọ po mọ lẹblanulọkẹyi nado yi plọnwe to wehọmẹ alavọ tọn mẹ

Sẹgbe, Lidosun 2, 2023

Viyọnnu owhe 22 mẹvi de, Maryam Umar he yin jiji matin alọ to vivẹ̀ Naijilianu lẹ, gandudu po ogbẹ́ wunmẹ lẹpo po nado gọalọ na emi na emi nido penugo bo fó alọdowemẹ nado biọ wehọmẹ alavọ ayimatẹn Gombe tọn.

Umar nọ kanwe bo nọ wà whégbezọ́n lẹ po afọ etọn po.

Gando ayinamẹ akuẹ súsú tọn he e mọyi gbọn linlinwe PUNCH sẹgbe tọn, e mọ lẹblanulọkẹyi to agọe nado yi plọnnu gando Economics go to wehọmẹ alavọ tọn, ṣigba, e dona sú akuẹ naira 81, 322.50 na wehọmẹkuẹ.

E to alọgọ biọ to hokansemẹ de whenu gbọn linlinnamẹtọ lẹ dali, Umar dọ dọ, mẹjitọ emitọn lẹ ma do nugopipe lọ he na gọalọ na emi nido plọnwe yinukọn, yidogọ dọmọ, mẹdevo lẹ wẹ nọ na nu emi whẹpo emi do sọgan wa nudepope.

E dọmọ, mẹjitọ emitọn lẹ nọ nọ BCGA, Gombe. N'fó wehọmẹ daho to 2022, n'yí 182 to tẹnpọn UTME tọn mẹ bosọ wlé wema English po Mathematics po to tẹnpọn NECO tọn mẹ.

"Ṣigba, ma do akuẹ nado plọnwe yinukọn to wehọmẹ alavọ ayimatẹn Gombe tọn. Mẹjitọ ṣie lẹ ma do akuẹ enẹwutu n'do to vivẹ̀ melepo na alọgọ na dotẹnmẹ hundote lọ ni ma gbọgoe blo."

Umar hẹn zun yinyọnẹn dọ whẹndo daho de mẹ wẹ emi wa sọ́n bo yidogọ dọmọ otọ́ emitọn tindo ovi ṣinatọ̀n.

"Yẹn wẹ yin ovi atọ̀ntọ podọ yẹn kẹdẹ wẹ yin jiji matin alọ lẹ. Yẹnlọsu na tindo ovi ṣinatọ̀n; yẹn jlo na wajọ to whenue n'fó wepinplọn ṣie."

Umar dọmọ, n'do ayajẹ dọ, n'mọ nugopipe to nugomape ṣie mẹ podọ nudepope he mẹde sọgan wa po alọ po, yẹnlọsu sọgan wa po afọ po.

Asisa lẹ

• Chima Azubuike. "Gombe girl writing with toes gets varsity admission".—Punch. April 2, 2023
• Kazeem Tunde. "Gombe Girl Writing With Toes Gets Varsity Admission". —The Glitters. April 2, 2023