Visunnu owhe 17mẹvi de sú mẹjitọ etọn lẹ do họmẹ, bo fìn gbẹduhún po nutindo devo lẹ po yì

Sọn Wikilinlin

Ahọluzangbe, Zósun 8, 2023

Mí sè dọ visunnu owhe 17mẹvi de he yin yinyọnẹn taidi Ayomiposi Esan ko yin didọ dọ e fìn alokan atọ̀n, zomọ lẹtliki tọn awe, zomọ nuhiho tọn dopo po gbẹduhún Toyota Corolla he yin mijitọ etọn lẹ tọn yèdọ Oluwafemi po Tosin po tọn.

Visunnu lọ họ̀nyi po nutindo lọ lẹ po whenuena e ko sú mẹjitọ etọn lẹ do họmẹ po godo to Ogijo, gandudu dokọtọn Sagamu ayimatẹn Ogun tọn mẹ. Dodinnanu he linlinhọsa Punch tọn basi dohia dọ to azan 3tọ́ Zósun, 2023, e yin didọ dọ mẹhe go ye vẹnudo lọ biọ whé lọ gbè to zanhomẹ whenu asu po asi lọ po to amlọn mẹ. Kunnudetọ dé he ma jlo na do ede hia dọna linlin-kàntọ Punch tọn lẹ dọ komẹnu lẹ wẹ do vivẹnu nado hùn ohọ̀n na mẹjitọ lọ lẹ whenu visunnu yetọn ko họ̀nyi sọn nujijọ lọ tẹnmẹ po nuhe e fìn lẹpo godo. Whenuena mẹhe go nujọdo lọ lẹ ko yí jẹwhẹ̀ nujijọ lọ tọn to ponọ-pamẹ he tin to Ogijo godo, Ponọ-gán de, Awode Olatunde, plan hagbẹ etọn lẹ nado jẹ godona mẹhe go ye vẹnudo lọ, ehe hẹn ẹn yin wiwle to Awọnlin dile e (Ayomiposi) to dindin mẹhe na họ̀ nuhe e ko fìn lọ lẹ. Asisa he ohó lọ tlọn dọdọ, visunnu lọ ko sà zomọ lẹtliki tọn dopo he e fìn. Otọ́ etọn glọnalina Ponọ lẹ ma na do ze ovi yì whẹ̀ nukọn to whenue e ko yín wiwle godo. Ponọ jlo dọ a ze ovi yì whẹ̀ nukọn na nuhe e wa, ṣigba mẹjitọ etọn lẹ jlo dọ yé ni jó e dai po nuhe e fin lọ lẹ po.

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Visunnu_owhe_17mẹvi_de_sú_mẹjitọ_etọn_lẹ_do_họmẹ,_bo_fìn_gbẹduhún_po_nutindo_devo_lẹ_po_yì&oldid=18718"