Visunnu owhe 11 mẹvi de kú to whenue miyọn wle ohọ̀ de to London

Azangaagbe, Whejisun 8, 2023

Miyọn de he wle to Oguzangbe sin afọnnu fuu to ohọ̀ de mẹ to Stern close, Barking, East London bo hù visunnu owhe 11 mẹvi de.

Ogbẹ́ miyọnṣitọ London tọn lẹ dọ dọ yé yin yiylọ to nudi ogan 3.25 zánhomẹ tọn to oguzangbe na miyọn he wle to họnú awetọ petlezìn lọ tọn mẹ bo yin fifiọ petepete, visunnu de yin matintọ to nujijọ lọ whenu sọgbe hẹ nuhe linlinwe The Guardian UK dọ.

Mẹho awe po yọpọvu awe po wẹ tọ́n sọn ohọ̀ lọ mẹ whẹpo miyọnṣitọ lẹ do wa bo plan yé yi dotowhé, to whenuena dawe devo yin nukunpedego to nujijọ lọ tẹnmẹ gbọn ogbẹ́ miyọnṣitọ London tọn lẹ dali.

Nuhe hẹn miyọn lọ wa ma ko yin yinyọnẹn, dodinnanu gbẹ to yiyi deji gbọn ogbẹ́ miyọnṣitọ lẹ tọn po ponọ lẹ po dali.

"Ponọ lẹ gbẹ to dodinnanu basi do nuhe hẹn miyọn lọ wa ji, ṣigba kakajẹ din miyọn ma sọawuhia di nuhe na yin nuvẹdo.

Asisa lẹ

• Biodun Busari. "11-yr-old boy dies in London flat fire incident ". — Vanguard. March 7, 2023
• "Eleven-year-old boy dies after fire at flat in Barking, east London". — The Guardian (UK). March 7, 2023