Visunnu de hù onọ̀ etọn po alín de po to Rivers

Oguzangbe, Nuwhàsun 16, 2023

Dawe owhe 30-mẹvi de he nọ yin Owate Bode ko hù onọ̀ etọn po alín de po na e gbẹ ma nado na ẹn akuẹ sọha N20,000 he e biọ to esi wutu.

E yin didọ dọ nujijọ lọ wá aimẹ to Sibigbe to lẹdo Aleto tọn mẹ, to lẹdo gandudu dokọ̀ tọn Eleme tọn to ayimatẹn Rivers tọn mẹ.

Linlin lẹ dohia dọ visunnu lọ biọ to onọ̀ etọn si nado zan kalti akuẹ-yíyí tọn etọn do yí N20,000 wá na emi, na emi nido penugo nado họ̀ avọ̀ he emi na do nado yí ṣiọdidi-tẹn onọ̀ họntọn emitọn tọn he kú tọn.

Amọ nuhahun fọ́n to whenue nawe lọ lẹkọwa bo yí N10,000 na ẹn kakati nido yin N20,000 he biọ dọ ni yí wá.

Nudọnamẹ lẹ dohia dọ e gbẹ akuẹ he e yí na ẹn lọ, podọ ehe fọ́n nudindọn dote.

To video de he sọawuhia to notẹn intẹnẹt tọn lẹ ji to Sẹgbe mẹ, dawe lọ he to yinyin hokanse gbọn ponọ lẹ dali yin didohia, podọ alọ etọn lẹ yin bibla do godo bọ oṣiọ onọ̀ etọn tọn sọ to ayimimlọn to kọmẹ to nukọn etọn.

To video he yin didohia lọ mẹ, dawe lọ dọdọ to whenue onọ̀ emitọn gbẹ ma nado yí akuẹ emitọn na emi godo, e sọ zùn emi po awhá po bo dọdọ emi ni yì dín nude wà.

Asisa lẹ

• Mike Odiegwu. "Son kills mother in Rivers for refusing N20,000 burial request". — The Nation. May 14, 2023
• Dennis Naku. "Son kills Rivers mother with hoe". — Punch. May 15, 2023