Togán he na bọdego dona kọ̀n tòvi Naijilia tọn lẹ dopọ- wẹ Goodluck Jonathan dọ na Peter Obi

Sẹgbe, Awewesun 25, 2022

Togán dai tọn Goodluck Jonathan ko dọna Peter Obi, mẹhe jlo na lẹzun togán sọn tonudọgbẹ́ Labour Party tọn mẹ, dọdọ mẹdepope he yin dide taidi togán dona tẹnpọn nado hẹn pọninọ wa otò lọ mẹ.

Togán Jonathan dọ ohò ehe to Ahọluzangbe to whenuena e basi dlapọn do owhé etọn gbe to ayimatẹn Bayelsa tọn mẹ.

Obi yi ayimatẹn lọ mẹ nado biọ alọgọ sọn kọmẹnu flẹn tọn lẹ si na vodidi na gánzinpo togán tọn he na wa aimẹ to 2023.

Togán dayi tọn lọ sọ dọdọ Naijilianu lẹ dona yise to pọninọ otò lọ tọn mẹ na nukọn yíyí etọn.

E ze nudọnamẹ lọ yi nọtẹn twitter etọn tọn he ko yin alọkẹyi ji, bo dọmọ, " To egbehe n'mọ gbẹtọ lẹ sọn ogbẹ́ vojijla tọn na otẹn togán tọn sọn @NgLabour Party he yin anadena gbọn mẹhe jlo na lẹzun togán mẹdaho Peter Obi dali.

"N'zinudeji dọ nado hẹn nukọn yiyi Naijilia tọn yọnbasi, mí mẹpo dona nọ pọn ẹn hlan taidi otò mitọn bosọ tindo yise to pọninọ to otògbo lọ mẹ."

"Mẹdepope he wa lẹzun togán dona wazọ́n nado hẹn pọninọ yọnbasi."

"N'sọ zinnudo nuhudo lọ na vodidi dagbe de podọ n'vẹ̀ tonudọgbẹ Labour Party tọn po ogbẹ́ he po lẹpo podo godonọnamẹtọ yetọn lẹpo nado basi vojijla yetọn to jijọho mẹ."

Asisa lẹ

• Francis Ugwu. "Next president must unite Nigerians – Goodluck Jonathan tells Peter Obi". — Daily Post. December 23, 2022