To owhe 36 godo, Argentina mọ ale bọlu-hihò lẹdo aihọnpe tọn tintan yi
Tẹnigbe, Awewesun 19, 2022
Argentina ko mọ ale bọlu-hihò lẹdo aihọnpe tọn tintan yetọn yi to owhe 36 podo osun delẹ po godo to whenuena yé hò France podo agó 4-2 po to penalty whenu (3-3 to yidogọ ganmẹ tọn mẹ) nado mọ ale bọlu-hihò lẹdo aihọnpe tọn na wla atọ̀ntọ to Qatar to Sẹgbe.
Aihun lọ fó podo agó 2-2 po to nukunwhiwhe 90 godo ṣigba Messi do agó devo nado ze Argentina do nukọn podo agó 3-2 po to nukunwhiwhe 108tọ mẹ whẹpo Kylian Mbappe do agó atọ̀ntọ (hat-trick) to nukunwhiwhe awetọ he mẹ adà yidogọ ganmẹ tọn nado wa vivọnu.
Ehe wẹ yin ale bọlu-hihò lẹdo aihọnpe atọ̀ntọ Argentina tọn sọn ojlẹ voovo ṣidopo ehe mẹ yé ko tẹnpọn te to whenuho mẹ to whenuena yé duto alemọtọ dai tọn he yin France ji nado mọ ale he klo hugan yi to bọlu-hihò sunnu lẹ tọn mẹ podo megángán lọ lọsu po to todohukanji agódotọ lẹ tọn ji na wla awe.
Argentina mọ ale bọlu-hihò lẹdo aihọnpe tọn yi to 1978 podo 1986 po ṣigba bo gú wla atọ̀n, ṣigba Messi ko wa gbà dẹ̀hodo lọ to godomẹ to Qatar.
Asisa lẹ[jlado | jla asisado]
- Adekunle Sulaimon and Anthony Nlebem. "After 36 years, Argentina win first World Cup". — Punch. December 18, 2022