To Kaduna, jaguda lẹ hù visunnu sinsẹngan dé tọn, fin asi etọn ze po omẹ atọ̀n devo lẹ po

Sibigbe, Whejisun 11, 2023

Linlin lẹ dohia dọ nukunbianamẹtọ lẹ ko yì tọ́nawhàn lẹdo Larimbu-Kahugu tọn to Lẹdo Gandudu Dokọ̀ tọn Lere tọn mẹ to ayimatẹn Kaduna tọn.

Awhàntọ́nmẹ lọ, ehe jọ to Ahọluzangbe afọ́nnu zọn bọ visunnu sinsẹ̀ngán lẹdo lọ mẹ tọn hẹn ogbẹ̀ etọn bu. Yé sọ zé asì ẹ po omẹ atọ̀n devo lẹ po sọyi.

Alọgọtọ Azìnponọ Kahugu National Development Association tọn, Peter Mukaddas, dọna linlin-kantọ The Punch tọn lẹ tọn dọ nugbo wẹ dọ nujijọ lọ jọ.

E dọ dọ to whenue danuwatọ lọ lẹ doawhàn biọ gbétato lọ mẹ, owhe sinsẹ́ngán lọ tọn gbe wẹ yé dli biọ tlọlọ.

Mí sè dọ hugan ganhiho dopo wẹ danuwatọ lọ lẹ yizan to finẹ bọ medepope ma tlẹ tẹnpọn nado doalọtena yé, podọ yé desò dohlán ozà ohọ̀ lọ tọn fie visunnu sinsẹ̀ngán lọ tọn họ̀n whlá do.

Mukaddas dọ dọ yé ko jẹ owhẹ̀ nujijọ lọ tọn na ponọ̀ lẹ hoho, amọ́ mẹhe to lẹdo lọ mẹ lẹ gbẹ po to bẹwlu mẹ na yé ma ko sè ohó depope sọn ponọ̀ lẹ de he dohia dọ yé ko tindo hodọdopọ depope hẹ danuwatọ lọ lẹ.

"Mí to tohọluduta lọ po azọ́nwatẹn hihọ tọn lẹ po vẹ̀ dọ yé ni yawu yinuwa bo hẹn ẹn diun dọ mẹyinwanna mítọn lẹ yin whinwhlẹngán", wẹ e dọ.

Mí ma ko penugo nado dọhó hẹ hoyidọtọ Ponọ̀ Kaduna tọn lẹ tọn, Mohammed Jalide, to whenue mí to kandai linlin ehe tọn basi.

Asisa lẹ

• Israel Bulus. "Kaduna: Terrorists kill pastor’s son, abduct wife, three others". — Punch. March 10, 2023
• AbdulGafar Alabelewe. "Terrorists kill pastor’s son, abduct wife, three others in Kaduna". — The Nation. March 10, 2023