Tòmẹnu Anambra tọn he to homẹgble ji lẹ domiyọ́n ajotọ de

Sọn Wikilinlin

Yọnnuzangbe, Nuwhàsun 4, 2023

To Azangaagbe, ogbẹ́ jaguda tọn delẹ tọ́nawhàn owhé de to Ezi-Ogidi, to lẹdo gandudu dokọ̀ tọn Idemili North tọn mẹ, to ayimatẹn Anambra tọn, bo bẹ nuhọakuẹ susu yì.

Linlin lẹ dohia dọ mẹhe yè vẹnudo lọ lẹ sọ fìn yọnnu de nọ nọ̀ owhé lọ gbe to whenue yé ko jẹajo do yé fó godo.

E yin didọ dọ yé ko họ̀n lẹkọ jei fiwhiwhlá yetọn to whenue tòmẹnu lẹdo he to yakẹ tọn to sẹpọ St. Monica College, to ali Ogbunike tọn ji to lẹdo gandudu dokọ̀ tọn Oyi tọn mẹ lẹ bẹ yede pli bo gbò ali yé.

Yé dọdọ yé domiyọ́n dopo to ajotọ lọ lẹ mẹ to mọwiwa whenu.

Yé penugo bo wle mẹdopo devo to yé mẹ, ṣigba ajotọ he pò lẹ họ̀n sọn nujijọ lọ tẹnmẹ.

Mí wá se to nukọnmẹ dọ tọ̀mẹnu he gbò ali na ajotọ lọ lẹ penugo bo whlẹn viyọnnu he yin fìnfìn lọ.

Toochukwu Ikenga (DSP), he yin hoyidọtọ ponọ lẹ tọn to ayimatẹn lọ mẹ dọdọ nujijọ lọ wá aimẹ nugbo, bo yidogọ dọ ponọ he to lẹdo lọ mẹ lẹ yin didọna ṣigba whẹpo yé jẹ nujijọ lọ tẹnmẹ, yé ko domiyọ́n dopo to ajotọ he yin wiwle lọ lẹ mẹ.

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Tòmẹnu_Anambra_tọn_he_to_homẹgble_ji_lẹ_domiyọ́n_ajotọ_de&oldid=17070"