Super Falcons ko pegan na adà bọlu-hògbẹ́ 16 he gbọngodo lẹ tọn to agbàwhinwlẹn sọta Ireland he fó do ozẹn to bọlu-hihò yọnnu lẹdo aihọnpe tọn mẹ

Oguzangbe, Avivọsun 1, 2023

Super Falcons Naijilia tọn ko pegan na adà bọlu-hògbẹ́ 16 tọn he gbọngodo lẹ tọn to agbàwhinwlẹn 2023 FIFA yọnnu lẹdo aihọnpe (Women's World Cup) lẹ tọn mẹ to ozẹnninọ sọta Republic of Ireland godo.

Ogbẹ Falcons tọn he tin to aṣeji to hihọ́bibasi mẹ tẹnpọn nado glọnalina Republic of Ireland nado do agó dile bọlu-wletọ Chiamaka Nnadozie gbọṣi nukle nado glọnalina dotẹnmẹ agó dido sọta yé tọn, taidi na apajlẹ dotẹnmẹ agó dido tọn gbọn Katie McCabe dali to nukunwhiwhe 5tọ mẹ ehe a glọnalina.

Dotẹnmẹ he yọn hugan ehe Naijilia tindo to aihun lọ whenu nado do agó wẹ lehe Asisa Oshola tindo to nukunwhiwhe 14tọ mẹ ṣigba bo gbá gbọn aga.

Oshola mọ alọgọ yi sọn Uchenna Kanu ṣigba bo gúi dile e gbá bọlu lọ zọn aga. Naijilia na wa pe nukọntọn pipli D Brisbane tọn ehe sọgan yin England ni eyin dọ yé nọ ozẹn kavi hò China to Oguzangbe.

Falcons dapana gúgú to agbàwhinwlẹn atọ̀n bẹjẹeji tọn yetọn lẹpo mẹ na whla tintan tọn to whenuhó mẹ. Yé lẹzun bọlu-hògbẹ́ Aflika tọn tintan he pegan na adà bọlu-hògbé 16 he gbọngodo lẹ tọn to agbàwhinwlẹn bọlu-hihò 2023 yọnnu lẹdo aihọnpe tọn he to yíyí to alọnu mẹ.

Asisa lẹ

• Adegboyega Adeleye. "Women’s World Cup: Super Falcons qualify for last 16 after goalless draw against Ireland".– Vanguard. July 31, 2023
• Idowu Abdullahi. "Nigeria draw Ireland 0-0, qualify for knock out stage".– Punch. July 31, 2023