Sporting hò Arsenal nado pegan na adà bọlu-hògbẹ́ ṣinatọ̀n he gbọngodo lẹ tọn to Europa mẹ
Ahọluzangbe, Whejisun 17, 2023
Sporting Lisbon ko de Arsenal sẹ sọn agbàwhinwlẹn Europa League mẹ podo agó penalty 5-3 tọn po to whenuena Pedro Goncalves fli agó dagbe dopo lọ lẹkọ na ogbẹ́ etọn to agbàwhinwlẹn godo tọn to adà bọlu-hògbẹ́ 16 he gbọngodo lẹ tọn mẹ to Yọnnuzangbe.
Sporting gọ do godo to whenuena Granit Xhaka ze bọlu-hògbẹ́ nukọntọn to Premier League mẹ do nukọn to adà tintan aihun lọ tọn mẹ to Bọlugbatẹn Emirates Stadium.
Ṣigba bọlu-hòtọ otẹn ṣẹnṣẹn mẹ tọn na Portugal Goncalves wẹ dlẹnkana aihun lọ yi ogàngodo to whenuena e zẹ bọlu wletọ Arsenal tọn go Aaron Ramsdale podo ṣọti sọn fidindẹn he sọ yadi 46.
Ṣọti Goncalves tọn taidi lehe David Beckham gbá sọn fidindẹn na Manchester United sọta Wimbledon ehe zọn bọ e do diyin to 1996.
Podo agbàwhinwlẹn he fó do 1-1 to zanmẹ po zẹnsisọ agó 3-3 tọn po nuhudo penalty tọn tin to aimẹ nado didẹ whèho lọ.
Sporting wẹ gbawhàn dile Gabriel Martinelli sin agó yin aliglọna gbọn Antonio Adan dali bọ Nuno Santos do agó awhàngbigba tọn lọ.
Asisa lẹ[jlado | jla asisado]
- "Sporting knock out Arsenal, book Europa League quarters". — Punch. March 17, 2023
- AFP. Sporting stun Arsenal in Europa League shoot-out after Goncalves masterpiece". — The Guardian (Nigeria). March 17, 2023