Sozetọ lẹ hù mẹdopo, bo fìn omẹ atọ̀n he to sinsẹn basi to ṣọṣi mẹ lẹ ze to Benue
Tẹnigbe, Lidosun 3, 2023
Sozetọ he ma yín yinyọnẹn delẹ to zanhomẹ to Sẹgbe biọ ṣọṣi de mẹ to Akenawe, Tswarev to gandudu dokọtọn Logo to ayimatẹn Benue tọn mẹ. Sozetọ lọ lẹ gbà ṣọṣi lọ whenu yé to sinsẹn basi to zanhomẹ, bo hù mẹdopo bosọ fìn omẹ atọ̀n ze po sinsẹngán yetọn po.
Mẹde sọn lẹdo lọ mẹ he do ede hia taidi Terkir dọ na linlin-kàntọ lẹ dọ danuwatọ lọ lẹ biọ ṣọṣi lọ mẹ to zanhomẹ to Sẹgbe.
E dọdọ dọ "yé to sinsẹn basi to whenu sozetọ delẹ tọ́navun yé, mẹdopo yin hùhù, omẹ atọ́n devo lẹ gbleawu dile omẹ ẹnẹ to yé mẹ kakajẹ sinsẹngán yetọn Gwadue Kwaghtyo ji wẹ yin fìnfìn ze bosọ yin bibẹ yì fihe ma yin yinyọnẹn de.
Terkir yidogọ dọ mẹhe gbleawu lọ lẹ ko to yínyín nukunpedego to dotowhe voovo lẹ mẹ to Ugba po Anyiim po he tin to gandudu dokọtọn Logo tọn mẹ. Mẹhe yin azinponọ na gandudu dokọtọn Logo tọn Salome Tor hẹn di dọ nujijọ lọ wa aimẹ. E dọ, Visunnu Jọja de yin hùhù dile omẹ atọ̀n devo lẹ yin fìnfìn ze.
Asisa lẹ[jlado | jla asisado]
- John Charles." Gunmen kill one, abduct three Benue church worshippers". — Punch. April 3, 2023
"Unknown Gunmen invade Benue Church, kill one, abduct three worshippers". —Tribune Online. April 2, 2023