Sinsẹngán malenu lẹ tọn de po mẹdevo delẹ po gbleawu dile Olò lẹ biọ sinsẹ̀nhọ yetọn mẹ to Osun

Sẹgbe, Lidosun 2, 2023

To Ahọluzangbe, hagbẹ pipli ogbẹ malenu lẹ tọn to Ile-Ife, to ayimatẹn Osun tọn mẹ dó homẹgble yetọn hia whenue yé fọ́ngu gando de Olò delẹ tọ́navun sinsẹ́n-họ malenu lẹ tọn he tin to lẹdo Ilare tọn mẹ dó.

Gufọntọ lọ lẹ dọdọ to Yọnnuzangbe, Olò lọ lẹ biọ sinsẹ̀nhọ lọ mẹ,fie malenu delẹ pli bo to odẹ̀ gàn 4 whèmẹ tọn ho te, bo sọ tọ́navun mẹhe yé mọ to flẹn lẹ. Gbọnvona sinsẹngán lọ, Abdul-Lateef Adediran he yin didọ dọ e gbleawu sọn nukunmẹ po omẹ atọ́n devo lẹ po wẹ yé sọ́nu to avùn lọ whenu.

Kunnudetọ dé he do ede hia taidi Kareem poun na Whẹwhinwhẹn hihọ́ tọn wutu dọdọ, "Mí to sinsẹ̀nhọ lọ mẹ nado hodẹ. Mẹdelẹ to afọ̀ klọ́ whenue Olò lọ lẹ biọ sinsẹ́n-họ lọ mẹ. "Mí yọnẹn dọ yé na gbọn lẹdo lọ mẹ po vodun po ṣigba mí ma dá do whẹho yetọn mẹ. Yé ko gbọn lẹdo lọ mẹ wai. Yé sọ lẹkọ deji bo biọ sinsẹ̀nhọ lọ mẹ.

"sinsẹngán tẹnpọ́n nado kan nuhe yé wa wà bio yé, ṣigba yé ma na dotẹnmẹ ẹn nado dọho whẹpodo jẹ mẹlẹpo hò ji. Sinsẹngán míton gbleawu sọn nukunmẹ. Mẹhe gbleawu lẹpo ko yin bibẹ yi dotowhe to Ile-Ife.”

To gufifọn lọ whenu to Ahọluzangbe, gufọntọ lọ lẹ, he gbọn aliklan nukundeji lẹ to agbegbe lọ mẹ, yì họ̀nmẹ Ooni Ifẹ tọn, ṣigba yé ma mọ ahọlu to azinpo ji. Yé sọ biọ dọ mẹhe wa danu lọ lẹ dona yin wiwle.

Asisa lẹ

• Bola Bamigbola." Osun imam, others injured as Oro adherents invade mosque". — Punch. April 1, 2023
• Bartholomew Maduweke."Police probe attack on Ife residents by Oro worshippers, Imam and others injured". — TheNewsGuru. April 1, 2023