Sinsẹngán atọ̀n po mẹdopo devo de po kú to asidan de whenu to Ekiti

Sọn Wikilinlin

Azangaagbe, Nuwhàsun 3, 2023

Omẹ atọ̀n he mí yise dọ yé yin sinsẹ̀ngán lẹ po mẹdopo devo de po hẹn ogbẹ̀ yetọn bú to asidan de whenu to ali he tọ́n sọn Otun Ekiti yì Iro Ekiti tọn ji to lẹdo gandudu dokọ̀ tọn Moba tọn mẹ to ayimatẹn Ekiti tọn mẹ.

Asisa nudọnamẹ tọn lẹ dọdọ nukọntọ sinsẹ̀n tọn atọ́n devo lẹ he gbleawu to nujijọ lọ whenu lẹ ko yin zize yì dotowhé de to ayimatẹn lọ mẹ fie yé to nukunpedomẹgo mọyì te.

Asisa nudọnamẹ tọn de dọdọ, "Tẹnigbe whèjai wẹ nukọntọ sinsẹ̀n tọn lọ lẹ jei Iro Ekiti whẹpo nujijọ madonukun lọ do jọ to whenue mọto he mẹ yé te fli jai."

"Mí wá se dọ yé jei Iro Ekiti na núwiwa de nado do kuavo na dopo to yé mẹ he yin didohlan amísa de to dọ́n to whenue nujijọ lọ do wá aimẹ."

Asisa nudọnamẹ tọn devo dọdọ awuvẹmẹtọ delẹ he to nujijọ lọ tẹnmẹ lẹ viavi sinsinyẹn na okú sinsẹ̀ngán atọ̀n lọ lẹ tọn po mẹdopo devo lọ tọn po wutu, bo dọdọ, "Ojlẹ awubla tọn de wẹ e yin na sinsẹ̀nnọ lẹ to ayimatẹn lọ mẹ, na taun tọn to adà ayimatẹn lọ tọn he sinsẹ̀ngán lọ lẹ sẹ̀n te.

"Mí to dẹho dọ nukọntọ sinsẹ̀n tọn he yé dọdọ yé gbleawu to nujijọ lọ whenu lẹ ni yawu jẹgangan."

Sunday Abutu, he yin hoyidọtọ ponọ lẹ tọn to ayimatẹn lọ mẹ, dọdọ nugbo wẹ dọ omẹ ẹnẹ kú to asidan lọ whenu.

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Sinsẹngán_atọ̀n_po_mẹdopo_devo_de_po_kú_to_asidan_de_whenu_to_Ekiti&oldid=17035"