Portugal hò Ghana 3-2 to agbàwhinwhlẹn yetọn tintan whenu
Ahọluzangbe, Abọ̀húsun 25, 2022
To Yọnnuzangbe, Cristiano Ronaldo lẹzun omẹ tintan he na do agó to bọlu-hihò lẹdo aihọnpe tọn voovo atọ́n whenu to whenue otò etọn Portugal hò Ghana 3-2 dile yé sọawuhia whlà tintan to Qatar.
Bẹjẹeji osẹ lọ tọn ko gọna nue sọgan ko hẹn Ronaldo gbọjọ na e basi nudide lọ nado tọ́n sọn bọlu-hògbẹ́ Manchester United tọn mẹ, ṣigba e dè ehe lẹpo sẹ̀ sọn ayihamẹ to whenue e do agó to adà awetọ agbàwhinwhlẹn lọ tọn whenu po penalty de po he gọalọna Portugal nado duto agbàwhinwhlẹn lọ ji.
Andrew Ayew wá do agó na Ghana ojlẹ vude to enẹgodo he hẹn yé nado sọzẹn hẹ Portugal ṣigba Portugal wá jẹnukọn na yé to whenue Joao Felix po Rafael Leao po do agó dopodopo. Osman Bukhari wá do agó gàngodo tọn de na Ghana to vivọnu agbàwhinwhlẹn lọ tọn.
Asisa lẹ
[jlado | jla asisado]- "W’Cup: Portugal beat Ghana 3-2 in dramatic opener". — Punch. November 24, 2022