Ponọ lẹ wle whẹyidọtọ he kanwe bo ylọwhẹ APC lẹ

Sọn Wikilinlin

Tẹnigbe, Lidosun 3, 2023

Ponọ lẹ ko wle whẹyidọtọ atọ̀n delẹ he yin whẹ̀sadokọna dọ ye omẹ atọ̀n lẹ to to whẹylọ tonudọgbẹ [[All Progressives Congress (APC) tọn gando ovò he ko yin bibla lẹ go to Port Harcourt.

Eyin didọ dọ whẹyidọtọ lọ lẹ to awuwlena kunnudenu lẹ nado dohia dọ ovobibla Ayimatẹn-gán tọn he azọnwhe ovohihia tọn yedọ Independent National Electoral Commission (INEC) ko la dọ APC wẹ du to ovò lọ ji godo.

E yin didọ dọ yè yin wiwle to Ahọluzangbe zanmẹ to jonọ-yíhọ de he mẹ ye te to Port Harcourt. Nuhe wutu ye yin wiwle ma ko yin yinyọnẹn kakajẹ din.

Whẹyidọtọ lọ lẹ to azọ́nwa hẹ Tuduru Ede's Chamber he yin dopo to whẹyidọtọ daho Naijilia tọn lẹ mẹ

Wekantọ APC tọn Ayimatẹn lọ tọn Darlington Nwauju wẹ dike na linlinzọnwatọ mitọn lẹ yọ́n nuhe jọ lọ to Sibigbe whemẹ.

"Nugbo wẹ, nulẹ yi do mọ nugbo. Zanmẹ sọ̀ he wayi tọn wẹ yé wle ye. Mí na dike linlinzọnwatọ lẹ ni yọ́n nuhe jọ lẹ", wẹ Nwauju dọ.

Vivẹnudido mitọn nado dọho hẹ hoyidọtọ ponọ lẹ tọn to ayimatẹn Rivers tọn yedọ Grace Iringe-Koko ma pa mì depope na alokan etọn ma ko yi to whenuena mi to linlin ehe kan.

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Ponọ_lẹ_wle_whẹyidọtọ_he_kanwe_bo_ylọwhẹ_APC_lẹ&oldid=17634"