Ponọ lẹ wle omẹ awe na okú wehọmẹvi OAU tọn de wutu

Ahọluzangbe, Lidosun 13, 2023

Omẹ awe he yin hagbẹ wedegbẹ́ tohọ Awo tọn ko yin wiwle gbọn ponọ lẹ dali na okú wehọmẹvi he tin to klasi 5tọ mẹ, Ahize Okoli to wehọmẹ alavọ tọn bo to pinplọn Civil Engineering to wehọmẹ alavọ Obafemi Awolowo tọn, Ile-Ife to ayimatẹn Osun tọn mẹ.

Okoli yin hihò kakajẹ okú gbọn gbẹtọgun he to adánji delẹ podo whẹsadokọnamẹ lọ po dọ e fin alokan.

Asisa delẹ to wehọ lọ mẹ dohia dọ wehọmẹvi lọ yin whẹsadokọna dọ e fin alokan to tohọ̀ Awo tọn mẹ to Tẹnigbe podọ whenue e ko yin hihó sinsinyẹn godo, e yin tẹnsẹna yi owhé ogbẹ́ wehọmẹvi tọn lẹ tọn mẹ to Oguzangbe afọnnu fuu fihe e nọ kakajẹ whemẹ.

E wa họnwun to godo mẹ dọ, aliho he mẹ eyin hihó te yinuwa do dagbemẹninọ Okoli tọn ji sọmọ bọ, e yin zize yi dotowhé OAU Teaching Hospital, Ile-Ile tọn fihe e yin hinhẹn zun yinyọnẹn te dọ e ko kú to Oguzangbe sin whemẹ.

Ponọ ayimatẹn Osun tọn lẹ, to whenuena yé to hodọ gando nuhe to jijọ alọnu to azangaagbe, basi zẹẹmẹdọ omẹ awe he yin wiwle do ponọpámẹ lọ lẹ yin nukọntọ wehọmẹvi lẹ tọn.

Hoyidọtọ ponọ lẹ tọn, Yemisi Opalola he dọhona linlinnamẹtọ lẹ dọmọ, "Dodinnanu do whẹho lọ ji na zindonukọn podọ whẹdida dodo na hẹnai. Omẹ awe he tindo mima to nujijọ lọ mẹ ko yin wiwle".

Anademẹtọ hodọdopọ alavọ tọn, Abiodun Olarewaju dọmọ, dotẹnmẹ dona yin nina ponọ lẹ nado basi dodinnanu do whẹho lọ ji, bo yidogọ dọmọ, wedegbẹ́ alavọ lọ tọn lọsu na basi dodinnanu etọn titi do whẹho lọ ji.

Olarewaju dọmọ, "Wehọmẹ Alavọ lọ ma nọ dado whẹho he ma kanẹn mẹ.

"Enẹwutu, mi dike ponọ lẹ ni wazọ́n yétọn bọ milọsu na wa mítọn tofi. Mí ko zindonukọn po dodinnanu mítọn po".

Dile etlẹ yindọ, wehọmẹvi Faculty of Technology tọn lẹ sú aliho he biọ wehọ lọ mẹ to azangaagbe nado fọngu na okú Okoli tọn.

Wehọmẹvi he fọngu lọ lẹ, he hẹn diun dọ wepinplọn depope ma aimẹ nado doyẹyigona mẹhe basi matintọ lọ, ṣigba, to godo mẹ, yé de aliglọnnanu lọ lẹ sẹ̀ nado dike yigọ-yigọ ni tin, to whenue mẹhe yin nukọntọ na whẹho wehọmẹvi lẹ tọn, Weyọnẹntọ Olalekan Aransi ko dotoai na obiọ yétọn godo.

Aransi vẹvẹna wehọmẹvi lọ lẹ nado dike jijọho ni du ahọlu, bosọ hẹn yé deji dọ wedegbẹ́ lọ na yinudewa gando obiọ yétọn go.

Asisa lẹ

• Bola Bamigbola. "Police arrest two over OAU student’s death". —Punch. April 13, 2023
• Francis Ezediuno. "OAU student: Osun Police confirms arrest of two suspects". —Daily Post. April 13, 2023