Ponọ lẹ wle omẹ 26 he yin ogbẹ́ ylankan he to tuklado Enugu
Ahọluzangbe, Lidosun 21, 2023
Ponọ ayimatẹn Enugu tọn ko wle omẹ 26 he yin nuvẹdo nado tin to ogbẹ́ ylankan lẹ he nọ to nudawa lẹdo ayimatẹn lọ pé.
Avùn he bẹ́ hagbẹ Supreme Viking po Black Axe Confraternities po hẹn, ewhè gbau omẹ 14 wẹ basi matintọ to osẹ awe die.
To hodidọ de mẹ to Yọnnuzangbe gbọn hoyidọtọ ponọ lẹ tọn, Daniel Ndukwe dali, dọmọ, Devizọ́nwatọ ponọ lẹ tọn na ayimatẹn lọ, Ahmed Ammani, ko degbe dọ mẹhe yin awhàngán lẹ po Ponọ-gán pipli lẹ tọn po nukọntọ ogbẹ́ ponọ vonọtaun delẹ po dona wa nuhe go yé pé lẹpo nado mọdọ danuwatọ he yin nuvẹdo enẹlẹ yin wiwle bosọ mọ whẹdida yi.
Ndukwe dọ dọ, sunnu 26 he tin to gblagbla owhe 18 jẹ 40 mẹ lẹ yin wiwle to nọtẹn voovo mẹ to ayimatẹn lọ mẹ gbọn ponọ he nọ penukundo whẹho ogbẹ́ ylankan lẹ tọn go.
Sọgbe hẹ nuhe e dọ, mẹhe yin nuvẹdo lọ lẹpo wẹ tindo mima to sẹ́nhẹngba lọ mẹ, yé yigbe dọ emi tin to hagbẹ Supreme Vikings tọn po Black Axe Confraternities tọn po mẹ he tindo mima to avùn ogbẹ́ ylankan tọn he aimẹ lọ mẹ.
Hodidọ lọ yin hihia dole, dodinnanu bẹjẹeji tọn de dohia dọ, hagbẹ Black Axe Confraternity tọn delẹ kọngbedopọ bo desò bosọ gbleawu dopo to hagbẹ Supreme Vikings Confraternity tọn sọn awàgo to Whejisun 29, 2023, to nudi ogan 10.30 afọnnu tọn to Emene to Enugu.
"Taidi kọdetọn nudọnamẹ tọn, hagbẹ Supreme Vikings Confraternity tọn, to awubla mẹ na mẹhe yin hùhù, kọngbedopọ bo lá awhàn sọta hagbẹ Black Axe Confraternity tọn ehe ko dekọtọn do mẹgbeyinyan sọta yedelẹ podọ okú mẹsusu tọn mẹ to awá voovo mẹ to lẹdo Enugu tọn, to Agbani po Nsukka-waji po to ayimatẹn lọ mẹ.
"Dodinnanu dohia yinukọn dogọ dọ, mẹgbeyinyan lọ ko dekọtọn do okú sọha he ma ko yin yinyọnẹn to azan voovo lẹ ji podọ ganmẹ voovo to nọtẹn he yin nudego mẹ.
"Omẹ he yin nuvẹdo lọ lẹ yin wiwle sọyi whẹdatẹn to osọ he wayi, Lidosun 20, 2023 bosọ yin sisẹ́do Nigerian Correctional Custodial Centre podọ dodinnanu to yiyi alọnu nado wle mẹhe po lẹ wa whẹnukọn.
Asisa lẹ[jlado | jla asisado]
- Raphael Ede. "Police arrest 26 cultists terrorising Enugu" —Punch. April 21, 2023
- Emmanuel Uzodinma. "26 suspects remanded as cult clash claims over 30 in Enugu" —Dailypost. April 21, 2023