Ponọ lẹ wle mẹfintọ he diyin de sú to nasarawa

Sọn Wikilinlin

Ahọluzangbe, Lidosun 21, 2023

Ponọ ayimatẹn Nasarawa tọn dọ dọ emi ko wle mẹfintọ he diyin de sú, enẹ Shuaibu Mohammed, he dẹpẹ-yinkọ etọn nọ yin Chiyawa, na whẹho mẹfinfinze tọn susu he é ko basi lẹ to ayimatẹn lọ mẹ.

Hoyidọtọ Ponọ lẹ tọn ayimatẹn lọ tọn DSP Ramhan Nansel, hẹn ehe zun yinyọnẹn to ponọpá daho ponọ lẹ tọn he tin to Lafia to Yọnnuzangbe to whenue yè to dindanpe bo to wiwle omẹ konukunatọ̀n devo lẹ na sẹnmẹjijẹ voovo lẹ to Lẹdo Gandudu Dóko tọn wiatọ̀n Ayimatẹn lọ tọn.

E na pipa ponọ he to azọ́nwa to adà mẹfintọ lẹ wiwle tọn mẹ na azọ́n he ye to wiwa mapote nado wle mẹfintọ lọ lẹ titengbe nado wle mẹhe yin tlọntlọngbọn to nuyiwa ylankan ehe lọ mẹ, he SP Lapshak Lenka deanana ponọ lẹ nado basi.

To whenue e to vivọ opagbe he ponọ lẹ ko dó nado hẹnalọdotena sẹnmẹjijẹ to Lẹdo Gandudu Dóko tọn wiatọ̀n Ayimatẹn lọ tọn mẹ, Nansel dọ dọ ponọ lẹ ma na dọngban nado wle mẹdepope he ma dike jijọho ni tin na mẹhe no nọ Ayimatẹn lọ mẹ lẹ.

E dọ, to azan fọtọ̀nnukunẹnẹtọ lidosun owhe fọtọ́n donu awe po konukunatọ̀n po tọn to nudi ogàn atọ́n whejai tọn mẹ, dọ ponọ lẹ he to nukunpedo mẹfintọ lẹ wiwle dali ko wle nukọ̀ntọ mẹfintọ lẹ tọn he nọ yin Shuaibu Mohammed he dẹpẹ-yinkọ etọn nọ yin Chiyawa ‘M’ of Kadarko, to Lẹdo Giza tọn mẹ.

“Dodinnanu ko dohia dọ danuwatọ lọ wẹ yin nukọntọ mẹfintọ lẹ tọn he to tuklado lẹdo lẹ taidi Dadere, Mararaba Akunza, Lafia, Agyaragu, po Kadarko po, podọ yinkọ etọn ko tin to yinkọ mẹhe ponọ lẹ to dindin lẹ tọn mẹ na whehọ mẹfinze voovo lẹ whẹpo alọ do wa jẹ ego todin.”

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Ponọ_lẹ_wle_mẹfintọ_he_diyin_de_sú_to_nasarawa&oldid=16648"