Ponọ lẹ wle kẹkẹ afọ-atọ̀n-nọ dotọ de he hẹn osò apomẹ tọn awe to Delta

Azangaagbe, Lidosun 17, 2023

noicon

Hoyido-kanji ehe yin bibasi sọn vọjlado nukinkan tọn mẹ he yin bibasi to 17-04-2023, enẹwutu e ma sọgan dó vọjlado dìn tọn hia todin.

Wikilinlin-hihia

Ponọ-zọ́nwatọ Ayimatẹn Delta tọn lẹ tọn ko wlé jaguda de he yinkọ etọn nọ yin Joseph Vincent to whenue ye to mẹlẹ dote bo to yé keje pọ́n.

PUNCH Metro se dọ dawe lọ yin wiwle to nudi ogàn 10 mẹ afọnnu to Sẹgbe, to aliho Jeremi Iwhrekan tọn ji to Lẹdo Gandudu Dokọ̀ tọn Ugheli South tọn mẹ to Ayimatẹn lọ mẹ.

Hoyidọtọ Ponọ Ayimatẹn lọ tọn lẹ tọn, DSP Bright Edafe, dọ to hodidọ de whenu to Oguzangbe dọ to whenue ponọ̀ Dragon 18 po 19 po tọn lẹ to azọ́n doté bo keje pọ́n tọn wà to aliho he tọ́n sọn Jeremi yì Ugheli ji to Lẹdo Gandudu Dokọ̀ tọn South Ugheli tọn mẹ, yé do kẹkẹ-afọ̀-atọ̀nnọ de te, he wekun sọha mẹyinyọnẹn tọn he tin to e go yin GBB 022 UN, ehe dawe de he nọ yin Israel Sibito to Kùnkùn bo ze yọ́nnu atọ̀n po sunnu dopo po.

"To whenue yé to mẹlẹ keje pọ́n, sunnu lọ he wá yin yinyọnẹn to godomẹ di Joseph Vincent, bo yin owhe 24 mẹvi de, lọ́n sọn kẹkẹ lọ mẹ bo họ̀n biọ ogbé de he to yakẹ mẹ bo to tintẹnpọn nado họngan, todin, ponọ lọ lẹ jẹ godo naẹn, bo wlé e" wẹ hoyidọtọ ponọ̀ lẹ tọn lọ dọ.

Ponọ-gán lọ sọ dọ dọ to whenu yé wá keje dawe lọ lọsu pọ́n, yè mọ osò apomẹ tọn awè to e si.

Hoyidọtọ Ponọ lẹ tọn lọ sọ yidogọ dọ dodinnanu lẹ ko to yiyi to alọnu.