Ponọ lẹ wle jaguda de bo sọ mọ zokẹkẹ yí to esi to Kaduna

Sibigbe, Nuwhàsun 13, 2023

Azọ́nwatẹn Ponọ ayimatẹn Kano tọn lẹ tọn de dọ dọ ponọ̀ yetọn lẹ ko wlé danuwatọ kanylantọ delẹ bo ko sọ hò kẹkẹ he yé do nọ wazọ́n yetọn yí sọn yé si to glètoho Kidandan tọn mẹ to Lẹdo Gandudu Dokọ̀ tọn Giwa tọn mẹ to ayimatẹn lọ mẹ.

Hoyidọtọ Ponọ Azọ́nwatẹn lọ tọn lẹ tọn, DSP Mohammed Jalige, donu nujijọ lọ go to hodidọ de mẹ to Sẹgbe to Kaduna.

"To egbe azan ṣiawetọ Nuwhàsun tọn, to nudi ogàn ao daa mẹ, hagbẹ ponọ̀ kande-ṣiawe Police Mobile Force tọn lẹ tọn yin didohlan Kaya nado yì dla lẹdo he to Alihogbó Fatika tọn mẹ pọ́n dile yé ko nọ saba wà do, whenẹnu wẹ yé mọ pipli danuwatọ lẹ tọn de he to zokẹkẹ lẹ ji, bọ yemẹpo sọnu di awhànfuntọ lẹ.

"Ponọ adọgbotọ lọ lẹ yinuwa to afọdopolọji, bọ gbọnmọ dali, yewlẹ po jaguda lọ lẹ po desò do ode awetọ badabada podọ ponọ lọ lẹ sọ jẹgodo na jaguda lọ lẹ, yé sọ mọ mẹdopo wlé, podọ mẹhe po lẹ họngan amọ́ susu to yé mẹ wẹ sopẹ́n ko gbleauna; Dopo to zokẹkẹ hagbẹ lọ lẹ tọn lẹ mẹ yin hihoyí gbọn ponọ lọ lẹ dali.

Sọgbe hẹ hoyidọtọ lọ, ponọ lẹ ko gọ́ alihogbó lọ ji to alọnu din nado hẹn hihọ filọ tọn lodo taun dogọ, nado glọnalina nujijọ ylankan he gán wá jọ to nukọ̀nmẹ lẹ.

Jalide dọ dọ Anadenanutọ Ponọ lẹ tọn, Mẹdaho Musa Garba, pa ponọ lọ lẹ na afọdide adọgbigbo tọn po azọ́nyinyọnẹn tọn po he yé ze.

E dọ dọ Anadenanutọ lọ sọ na tuli yé nado hẹn gbemima yetọn sọta nuwiwa jaguda lẹ tọn po sẹnhẹngba wunmẹ devo lẹpo po to ayimatẹn lọ mẹ lodo dogọ.

Asisa lẹ

• "Police neutralise notorious bandit, recover motorcycle in Kaduna". — Punch. May 8, 2023

• "Police neutralise notorious bandit, recover operational motorcycle in Kaduna". — The Guardian. May 8, 2023