Ponọ lẹ wle dawe de he fìn agbàn-hun de to ali daho he tọ́n sọn Awọnlin yì Ibadan ji

Sọn Wikilinlin

Yọnnuzangbe, Lidosun 6, 2023

Ponọ ayimatẹn Ogun tọn lẹ ko wle ajotọ de he nọ yin Akeem Adeleke na e yí osò do fìn agbàn-hun de he bẹ agbàn wá jei de to ali daho he tọ́n sọn Awọnlin yì Ibadan ji.

Abimbola Oyeyemi, he yin hoyidọtọ ponọ lẹ tọn to ayimatẹn lọ mẹ na nudọnamẹ ehe to hodidọ de mẹ to Yọnnuzangbe.

Oyeyemi dọdọ ajotọ lọ yin wiwle to whenue húnkuntọ agbàn-hun lọ tọn ylọ ponọ he to ali daho lọ ji lẹ bo na nudọnamẹ nujijọ lọ tọn yé.

E yidogọ dọ húnkuntọ lọ yawu yì ponọpa mẹ bo jẹwhẹ na ponọ lẹ dọ to whenue emi to agbàn-hun lọ kùn jei Ibadan, dawe awe delẹ he hẹn osò lọ́n biọ mọto lọ mẹ to ajiji mẹ bo sisẹ emi sọn mọto lọ mẹ.

Oyeyemi dọdọ, "Húnkuntọ lọ na nudọnamẹ lọ yinukọn dogọ dọ ajotọ lọ lẹ fìn mọto lọ to emi si bo kùn in pànta Awọnlin.

"To whenue ponọ lẹ se nudọnamẹ lọ godo, yé jẹ mọto lọ dinpe ji pànta Awọnlin, podọ yé wá mọ ẹn hlan to ali lọ ji."

"To whenue ajotọ lọ lẹ mọ dọ ponọ lẹ to godo na emi, dopo to yé mẹ lọ́n sọn agbàn-hun lọ mẹ, ṣigba e jai bo hú ota etọn ali ji bo kú to afọdopolọji.

Awetọ etọn, Akeem Adeleke, wá yin wiwle bo yin zize yì ponọpa mẹ to Ewu-Oliwo."

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Ponọ_lẹ_wle_dawe_de_he_fìn_agbàn-hun_de_to_ali_daho_he_tọ́n_sọn_Awọnlin_yì_Ibadan_ji&oldid=13447"