Ponọ lẹ wle dawe Kaduna-nu de na e hù họntọn yọnnu etọn owhe 27 mẹvi

Sibigbe, Lidosun 22, 2023

Ponọ-pamẹ Ayimatẹn Kaduna tọn dọdọ ponọ-zọ́nwatọ yetọn lẹ ko wle dawe de he yin yinyọnẹn to klenu mẹ taidi Kenneth na e já họntọn yọnnu etọn kakajẹ kúdonu to tatọtẹnnọ ayimatẹn lọ tọn mẹ.

E yin didọ dọ ohí daho de wẹ dawe lọ yizan do já họntọn yọnnu etọn he yinkọ etọn nọ yin Ebenezer Agada(owhe 27 mẹvi) do flinflin kaka e do yin matintọ, na e to ayiha kàn nado jo e dai na sunnu devo wutu.

Yẹdide viyọnnu owhe 27 mẹvi lọ tọn ko gbayipe gbọn nọtẹn intẹnẹt tọn lẹpo ji to lẹdo tatọtẹnnọ ayimatẹn lọ tọn podọ yi nukọn dogọ.

To whenuena hoyidọtọ Ponọ lẹ tọn ayimatẹn lọ tọn, Mohammed Jalige, to nugbo hó lọ tọn hẹn di, e dọdọ ponọ lẹ wle dawe lọ sọn gbẹtọgun he ko dlí do e ji si he sọgan ko hẹn kú wa na ẹn bọ gbọn mọ dali hẹn ẹn vẹawu na dodinnanu nado yin bibasi do whẹho lọ mẹ.

E dọdọ "To azan 14tọ́ Lidosun, 2023 to nudi gàn 9:30 to zanmẹ, Mí mọ oylọ ayimajai tọn de yí dọ gbẹtọgun delẹ to NEPA Round About' ' ko to na hù mẹhe go yé vẹnudo de. "Ponọ lẹ yin didọhlan nujijọ lọ tẹnmẹ fie yé mọ dawe lọ he ko bà ede mẹ po to komẹ bọ gbẹtọ lẹ so lẹdo e. Dodinnanu dohia dọ mẹhe go yé vẹnudo lọ he yè ylọ Kenneth, tọ́navun họntọn yọnnu etọn Ebenezer Agada owhe 27 mẹvi to Command Secondary and Nursery school he tin to aliho Sokoto tọn ji po ohì daho de po, bosọ doapa susu do e go gbọn nukun, alọ̀ po afọ̀ lẹ po mẹ. To danuwiwa lọ whenu, e sán awà amiọnlọ etọn sẹ, dọ emi ko zán akuẹ susu do eji bọ e jlo na jo emi dai na sunnu devo wutu". E yin didọ dọ viyọnnu lọ yin zize yi dotowhe daho Barau Dikko tọn fie doto dohia dọ e ko kú te.

Asisa lẹ

• Godwin Isenyo." Police arrest Kaduna man for hacking 27-year-old girlfriend to death". — Punch. April 21, 2023
• "Police arrests man for alleged murder of girlfriend in Kaduna". — Ripples Nigeria. April 21, 2023