Ponọ lẹ magbe nado wle mẹhe hù ponọ atọ́n po asu po asi po delẹ po to Imo

Sibigbe, Lidosun 22, 2023

Ponọ lẹ to ayimatẹn Imo tọn ko jẹ mẹhe hù ponọ atọ́n po asu po asi po delẹ po to aliklan Okpala tọn din ji, to lẹdo gandudu dokọ̀ tọn Ngor Okpala tọn mẹ to ayimatẹn lọ mẹ.

To Ahọluzangbe, sòhẹntọ delẹ biọ núdùdù-satẹ̀n de bo dèso do ponọ he yì dùnu to finẹ lẹ, yé hù yemẹpo bosọ bẹ osò yẹtọn lẹ yì.

Yé sọ hù asu po asi po delẹ he mí yọnẹn taidi mẹmẹsunnu po mẹmẹyọnnu Chinaka Nwagu po, yèdọ mẹhe tindo ṣọfu de to apá fiẹ nujijọ lọ wá aimẹ te tọn.

To whenue Henry Okoye, he yin hoyidọto ponọ lẹ tọn to ayimatẹn lọ to hodọ gando nujijọ ylankan lọ go, e dọdọ ponọ lẹ ko yin sisẹdo lẹdo lọ mẹ.

Okoye dọdọ ponọ lẹ ko to ogbé mẹhe yin nuvẹdo lẹ tọn yàn, e yidogọ dọ hihọ lẹdo lọ mẹ tọn ko yin hinhẹn sinyẹn dogọ nado hẹn mẹhe nọ nọ̀ lẹdo lọ mẹ lẹ voawu pẹẹde.

E dọdọ, "Nujijọ lọ wá aimẹ nugbo. Ponọ lẹ ko yin sisẹdo lẹdo lọ mẹ podọ yé to dudlupé whẹwhẹ to lẹdo lọ mẹ bo to dindin mẹhe wà danu ylankan lọ lẹ. Mí ko dibla wle yé."

"Oṣiọ ponọ lọ lẹ tọn ko yin tẹnsẹna yì fie oṣiọ lẹ nọ yin bibẹplido. N'to vivẹ mẹlẹpo nado zindonukọn to ajọ̀ voovo yetọn lẹ mẹ ma dibu, bo dọdọ ponọ lẹ penugo nado basi hihọ na omẹ ayimatẹn lọ tọn lẹ."

Asisa lẹ

• Winifred Austin. "Police vow to arrest killers of 5 officers, couple in Imo". — Daily Post. April 21, 2023
• Chidiebube Okeoma. "Police search for killers of five cops, Imo couple". — Punch. April 22, 2023