Ponọ lẹ ko jẹ ogbe mẹhe fin hunkuntọ alọgọtọ ayimatẹn-gán ayimatẹn Nasarawa tọn yanji

Azangaagbe, Lidosun 22, 2023

Danuwatọ sohẹntọ delẹ ko fìn Daniel Ogoshi, dawe de he yin húnkuntọ na Alọgọtọ Ayimatẹngán ayimatẹn Nasarawa tọn , Dr Emmanuel Akabe.

Linlinhọsá PUNCH Metro tọn se dọ ponọ lẹ ko to ayiha lẹ kàn nado wle danuwatọ lọ lẹ.

Linlinnamẹtọ mítọn se dọ owhé họntọn Ogoshi tọn gbè wẹ yé wa ze e te to Ombi 2, College of Agriculture, to Alihogbó Kwandere tọn ji to Lafia, he yin tatọ-tònọ ayimatẹn lọ tọn to nudi ogàn 9 daa whejai tọn mẹ to Oguzangbe.

Omẹ lọ lẹ ma ze alókan etọn po mọto etọn po.

Họntọn whẹndo dawe lọ tọn de dọhó hẹ linlinnamẹtọ mítọn de gando nugbonọ-yinyin nujijọ lọ tọn go, e dọ dọ mẹde ylọ emi to nudi ogàn 9 whejai tọn mẹ dọ mẹfìntọ lẹ ko ze nọvi emi tọn yì.

E dọ dọ tlolo wẹ emi ylọ ponọ lẹ podọ yé wá nujijọ lọ tẹnmẹ to afọdopolọji, amọ́ e blawu dọ, mẹfìntọ lọ lẹ ko họ́n sọyi po dawe lọ po.

Hoyidọtọ na alọgọtọ ayimatẹngán lọ tọn, Chris Ehima, dọhó gando nugbonọ-yinyin nujijọ lọ tọn go.

Etomọṣo, e dọ dọ emi ma ko do nudọnamẹ gigọ gando nue jọ lọ go todin gba.

E dopa dọ ayimatẹngán lọ na wa nue go yé pe lẹpo na húnkuntọ lọ nido yin tuntundote.

Hoyidọtọ ponọ ayimatẹn lọ tọn lẹ tọn, DSP Ramah Nansel, lọsu dọ dọ nugbo wẹ dọ nujijọ lọ jọ domọ.

E dọ dọ ponọ lẹ ko to nukunpedo whẹ̀ho lọ go amọ́ emi ma ko gán na nudọnamẹ yinukọ̀n hugan mọ todin.

Linlin mẹ̀finfinze tọn ko fọ́n bo to jijẹeji to ayimatẹn lọ mẹ to agọe taun.

Prof. Onje Gye-Wado, he yin alọgọtọ na ayimatẹngán to ayimatẹn lọ mẹ to ojlẹ de mẹ wayi lọsu yin finfinze to madẹnmẹ wayi, mẹfligọkuẹ naira livi 4 wẹ omẹ lọ lẹ yí whẹpo do jo e.

Asisa lẹ

• Collins Sunday. "Gunmen kidnap Nasarawa deputy gov’s driver". — Punch. April 20 2023

• "Nasarawa deputy governor’s driver abducted". — The Nation. April 20, 2023