Ponọ lẹ doalọtena gufifọn to Nasarawa

Tẹnigbe, Whejisun 27, 2023

Ponọ ayimatẹn Nasarawa tọn ko doalọtena gufifọn wunmẹ depope lẹ́do gandudu dokọ̀ tọn 13 he tin to ayimatẹn lọ mẹ.

Ehe yin bibẹpli to do hodidọ de mẹ he yin nina linlinnamẹtọ lẹ gbọn Ponọ-gán hodọdopọ azọ́nwhé tọn, DSP Ramhan Nansel to Lafia to Sẹgbe.

Sọgbe hẹ nuhe e dọ, yanwle ponọ lọ lẹ tọn wẹ nado doalọtena nudepope he sọgan gbà osẹ́n to ayimatẹn lọ mẹ.

Hodidọ lọ yin hihia dole, "Ponọ ayimatẹn Nasarawa tọn jlo na na nudọnamẹ mẹlẹpo dọ gufifọn wunmẹ depope ko yin alọhẹndotena to ayimatẹn lọ blebu mẹ.

"Enẹwutu tito gufifọn tọn depope he tin aimẹ yin alọhẹndotena.

"Ponọ lẹ basi dide ehe nado glọnalina nudepope he sọgan gbà osẹ́n podọ nado dike jijọho he to ayimatẹn lọ mẹ ni gbọṣi aimẹ; dile hihọbasinamẹtọ lẹ ma sọgan sọ pehẹ ninọmẹ gufifọn tọn depope to ayimatẹn lọ mẹ ba.

"Taidi kọdetọn de, mẹjitọ lẹ po mẹgopọntọ lẹ po yin tulina nado mọdọ ovi yétọn lẹ ma gbà osẹ́n ehe na mẹdepope he gbà osẹ́n ehe na yin wiwle bo nasọ yin yasana dile e jẹ do."

Afọzedaitọ mítọn na linlin dọ hagbẹ ogbẹ́ Peoples Democratic Party tọn to ayimatẹn lọ mẹ he bẹ yọnnu lẹ po ogbẹ́ jọja lẹ tọn po hẹn ko fọngu sọn Tẹnigbe he wayi, yé to bibiọ to ogbẹ́ Independent National Electoral Commission si dọ ni gọ̀ vòbibla ayimatẹn-gán 2023 tọn pọ́n, ehe do ayimatẹn-gán alọnu tọn, Abdullahi Sule hia di mẹhe duto vòbibla lọ ji.

Asisa lẹ

• Collins Sunday. "JUST IN: Police ban protests in Nasarawa". — Punch. March 26, 2023
• "Police ban protests in Nasarawa". — Vanguard. March 26, 2023