Ponọ lẹ dọ lehe danuwatọ lẹ fin wehọmẹvi yọnnu awe do to Zamfara

Tẹnigbe, Lidosun 3, 2023

Danuwatọ lẹ ko fin wehọmẹvi yọnnu awe he nọ yi wehọmẹ alavọ Federal tọn to Gusau, to gbetato Gida tọn he tin to gandudu dokọ Bungudu tọn to ayimatẹn Zamfara tọn mẹ.

Ponọ ayimatẹn Zamfara tọn lẹ dọ dọ nugbo wẹ dọ, wehọmẹvi lọ lẹ yin finfin to Sẹgbe sin zanhomẹ.

Ponọ-gán hodọdopọ azọ́nwhé tọn, SP Mohammed Shehu, to hodidọ de mẹ, basi zẹẹmẹ dọ, danuwatọ lọ lẹ biọ owhé wehọmẹvi lọ lẹ tọn gbè to nudi ogan 1 zanhomẹ tọn to Sẹgbe.

Devizọ́nwatọ ponọ ayimatẹn lọ tọn, CP Kolo Yusuf, sọgbe hẹ nuhe e dọ, hẹn mẹlẹpo deji, titengbe whẹndo mẹhe go nujọ do lẹ po ogbẹ́ he to anadenananu to wehọmẹ alavọ tọn lọ mẹ lẹ dọ, azọ́n sinsinyẹn to yiyi alọnu nado whlẹn wehọmẹvi lọ lẹ.

CP sọ dotuhomẹna yé dọ, ponọ vonọtaun delẹ ko yin dide nado din wehọmẹvi lọ lẹ bo whlẹn yé to ojlẹ kleun de mẹ.

Hodidọ lọ yin zẹẹmẹ basina dole, "Nudọnamẹ he jẹ ponọ lẹ de dohia dọ, to Lidosun 2, 2023, to nudi ogan 1 zanhọmẹ tọn mẹ wẹ danuwatọ lẹ doawhàn wa gbetato Sabon Gida tọn to gandudu dokọ Bungudu tọn mẹ bo gbà biọ họhaya yọnnu lẹ tọn to wehọmẹ alavọ lọ mẹ fihe yé wle nuhọtọ lẹ bo sú yé bosọ bẹ alokan yétọn lẹ sọ́n yé si, enẹgodo wẹ yé wa fin wehọmẹvi awe."

PPRO dọmọ, sọgbe hẹ ogbè he wa yin dido, whẹpo ponọ vonọtaun he yin dide lọ lẹ nado jẹ finẹ, danuwatọ lọ lẹ ko họ̀nyi po mẹhe yin finfin lọ lẹ po yi fihe mayin yinyọnẹn de.

Devizọ́nwatọ ponọ lẹ tọn vẹ̀ mẹlẹ na alọgọ, ehe na hẹn bọawuna ponọ lẹ nado tindo kọdetọn dagbe to alewezun ogbẹ̀whlẹngan tọn to ayimatẹn lọ mẹ.

Asisa lẹ

• Gbenga Oloniniran. "bandits abducted two female students in Zamfara – Police". —Punch. April 3, 2023
• Attahiru Ahmed. "confirm abduction of two FUGUS students in Zamfara". —Nigerian Tribune. April 3, 2023