Ponọ lẹ dè oṣiọ wehọmẹvi wehọmẹ alavọ tọn Bayelsa-nu de tọn sọn osindò de mẹ

Sọn Wikilinlin

Yọnnuzangbe, Lidosun 27, 2023

Ponọ ayimatẹn Bayelsa tọn lẹ ko de oṣiọ sunnu de tọn to osindò de nukunmẹ to nuwatẹn de to Otuoke, gandudu dokọtọn Ogbia tọn mẹ. Ehe yin didọhia to hodidọ de whenu to Azangaagbe gbọn hoyidọtọ ponọ lẹ tọn agbegbe lọ tọn Asinim Butswat dali.

Butswat dọdọ oṣiọ lọ yin yinyọnẹn taidi wehọmẹvi owhe 21 mẹvi wehọmẹ alavọ tọn Federal University, Otuoke tọn, he siọ whenuena e tin po họntọn etọn lẹ po to osindò lọ mẹ to azán 24tọ́ Lidosun tọn. "Hagbẹ ponọ lẹ yì nujijọ tẹnmẹ bosọ ze oṣiọ yi mọgu nado basi dodinnanu do e ji wẹ e dọ. Sọgbe hẹ nuhe hoyidọtọ ponọ lẹ tọn dọ, ponọ sè linlin de dọ oṣiọ yin mimọ to osindò de nukunmẹ to Oguzangbe.

Butswat dọ," Dodinnanu tintan he dohia dọ matintọ lọ Bright Akhere, owhe 21 mẹvi he to nuplọn do sọha bibasi ji to wehọme alavọ tọn Federal University Otuoke tọn mẹ, tin po họntọn etọn lẹ po to osindò lọ kọn to azán 24tọ́ Lidosun tọn to whèjai bọ e sọ yin didọ dọ họntọn lọ lẹ tlọn osindò lọ kọn to nudi gàn 5 mẹ to whèjai.

"Ponọ lẹ ko jẹ godona họntọn lọ lẹ he ma ko yin mimọ to alọnu. " Dodinnanu to yìyì to alọnu nado mọdona nunọmẹ he lẹdo sisiọ wehọmẹvi tọn".

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Ponọ_lẹ_dè_oṣiọ_wehọmẹvi_wehọmẹ_alavọ_tọn_Bayelsa-nu_de_tọn_sọn_osindò_de_mẹ&oldid=16847"