Ponọ de deso do mẹyiwanna etọn bo hùi bosọ hù ede to Kwara

Ahọluzangbe, Whejisun 3, 2023

To Yọnnuzangbe afọnnu, Dopo to ponọ he nọ to yiyi pe lẹ mẹ hù yọnnu mẹyiwanna etọn de to godo mẹ, e sọ hù ede to wehọmẹ de mẹ to Ilọrin he yin tatọtẹnnọ ayimatẹn Kwara tọn.

Nujijọ lọ he wa aimẹ to afọnnu fuu sẹpọ họngbo wehọmẹ mẹdetiti tọn he tin to Agba Dam Housing Estate, Gaa Akanbi, Ilorin, yin didọ dọ e na ko jọ na gbemanọpọ he tin to ponọ po mẹyiwanna lọ po ṣẹnṣẹn.

Yèdọ ponọ lọ na ko kọnawudopọ podo owhé gandudu ayimatẹn lo tọn to Ilorin.

Họntọn yọnnu mẹhe basi matintọ lọ tọn podọ onọ ovi dopo tọn, he yin yinyọnẹn taidi Tosin, yinuwa do Ponọ-gán hodọdopọ azọ́nwhé tọn na ayimatẹn Kwara tọn, Okesanmi Ajayi to hodidọ de mẹ to whenue e ko gbadopọnna nujijọ lọ godo.

To hodidọ he hosọ etọn yin 'Hùhù nawe de tọn po mẹdetiti po gbọn ponọ de dali to Ilorin', E dọdọ viyọnnu he basi matintọ wẹ hẹn ninọmẹ lọ wa ede ji na owanyi wutu, "ehe ma do nude nawa podo kanyinylan ponọ lọ tọn po".

Asisa lẹ

• Tunde Oyekola. "Sergeant guns down lover, kills self in Kwara". — Punch. March 2, 2023
• Odun Edward. "Police officer shoots self after killing lover in Ilorin". — The Guardian (Nigeria). March 3, 2023