Ponọ de basi matintọ to whenuena tomẹnu Niger tọn lẹ tọ́nawhàn ẹn godo

Azangaagbe, Lidosun 5, 2023

Omẹ awe delẹ to alọ ponọ lẹ tọn mẹ to ayimatẹn Niger tọn na whẹ̀sadokọnamẹ lọ dọ yé hù, Nasiru Yussuf, he yin ponọ de wutu.

Yé yin wiwle to gbétato Minima tọn mẹ to Lẹdo Gandudu Dokọ̀ tọn Lavun tọn mẹ to ayimatẹn lọ mẹ na owhẹ̀ mẹhuhu tọn wutu

Hoyidọtọ Ponọ ayimatẹn lọ tọn lẹ tọn, DSP Wasiu Abiodun, dọna Azọ́nwatẹn Linlinninamẹ tọn Naijilia tọn to Minna he yin tatọ-tònọ ayimatẹn lọ tọn, to Sẹgbe, dọ nujijọ lọ jọ to whenue omẹ lọ lẹ tọ́nawhàn do ponọ̀ he to azọ́n yetọn kọ̀n lọ lẹ ji to lẹdo lọ mẹ.

Abiodun dọ dọ, "Mí sè avùn po hunyanhunyan po to jijọ to lẹdo lọ mẹ bo sẹ́ ponọ awè do filọ to gbétato Minima tọn mẹ na yé nido yì kàn nuhe to jijọ se podọ vlavo bosọ wlé mẹhe to nuhahun fọndote lẹ.

"To whenue enẹ to yiyi alọnu, wẹ tomẹnu lọ lẹ tọ́nawhàn pé ponọ awe lọ lẹ, bo gbleawuna yé.

"Yé yin bibẹ sọyi dotowhe ahọlu tọn he to Bida, na yé nido yin nukúnpedego, podọ dopo to yé mẹ, PC Nasiru Yusuf, wa kú to finẹ, ṣigba omẹ awetọ gbẹ po to nukúnpedomẹgo mọyi to alọnu.

"omẹ awe ko yin wiwle to kọndopọmẹ hẹ nujijọ he blawu taun ehe podọ yè to hókanse yé to alọnu, podọ dodinnanu ko bẹjẹeji gando nujijọ lọ go.

Abiodun yidogọ dọ yé omẹ awe lọ lẹ na yin bibẹ yì owhẹ̀ nukọ̀n to whenue yé na ko dotana hókansemẹ lọ godo.

Asisa lẹ

• "Police constable dies after attack by Niger villagers". — Punch. April 3, 2023

• "Police nab 2 suspects over alleged murder of constable in Niger". — Vanguard. April 2, 2023