Ponọ Ogun tọn lẹ ko wle omẹ atọ́n he nọ sà agbasagonu gbẹtọ tọn lẹ

Sọn Wikilinlin

Tẹnigbe, Whejisun 13, 2023

Mí sè dọ omẹ atọ́n he go yè vẹnudo dọ yé nọ sà agbasagonu gbẹtọ tọn lẹ ko yin wiwle gbọn Ponọ ayimatẹn Ogun tọn lẹ dali.

Yé omẹ atọ́n lọ lẹ, Oshole Fayemi (60), Osemi Adesanya (39), Ismaila Seidu (30), Oseni Oluwasegun (69) po Lawal Olaiya (50) po yin wiwle to fibẹtẹn yetọn dile yé to tito basi nado yí wazọ́n ylankan lọ. Hoyidọtọ Ponọ lẹ tọn na ayimatẹn lọ SP Abimbola Oyeyemi dọ ehe to hodidọ de whenu to Sẹgbe.

Oyeyemi dọdọ mẹhe go yé vẹnudo lọ lẹ nọ họ̀n oṣiọ lẹ sọn domẹ bo nọ de agbasagonu yetọn lẹ na lẹndai akuẹ bibasi tọn. E dohia dọ danuwatọ lọ lẹ yin wiwle to Sibigbe whenue linlin wa Ponọ pamẹ Odogbolu tọn dọ yé ko to awuwle nado yì wazọ́n ylankan lọ devo.

To hokansemẹ dé whenu, danuwatọ lọ lẹ yigbe dọ ajọ́ agbasagonu gbẹtọ tọn wẹ yé nọ wa dile yé nọ họ̀n oṣiọ lẹ sọn domẹ bo nọ sà yé na ahisinọ he jlo na yí yé do basi akuẹ.

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Ponọ_Ogun_tọn_lẹ_ko_wle_omẹ_atọ́n_he_nọ_sà_agbasagonu_gbẹtọ_tọn_lẹ&oldid=13057"