Ponọ Kwara tọn lẹ bẹ mẹgbeyinyan jẹeji dile mẹfintọ lẹ fin omẹ atọ̀n bo hù mẹdopo

Sọn Wikilinlin

Yọnnuzangbe, Nuwhàsun 18, 2023

Ogbẹ́ omẹ atọ́n-nọ de he yin mẹfintọ lẹ hù mẹdopo to Oguzangbe, bo fin omẹ atọ̀n devo lẹ to aliho Ijara-Isanlu Isin tọn ji to gandudu dokọ Isin tọn to ayimatẹn Kwara tọn mẹ.

Dopo to mẹhe yin finfin lọ lẹ mẹ yin yinyọnẹn taidi Rotimi Oyedepo, yin nọvisunnu Iyiola Oyedepo tọn, he yin azinponọ wedegbẹ́ wehọmẹ daho Ado-Ekiti tọn to ayimatẹn Ekiti tọn mẹ.

Linlinwe Punch Metro dọmọ, nujijọ lọ waimẹ to nudi ogan 6 whejai tọn mẹ.

Kunnudetọ de dọmọ, Oyedepo po omẹ awe delẹ po to zinzin gbejizọnlin whenue mẹfintọ lẹ fin yé.

E dọmọ, whenue mẹfintọ lọ lẹ to gbede na yé nido tọ́n sọn ohún lọ mẹ bo biọ ogbé he to yakẹ de mẹ, kẹkẹkuntọ he to kẹkẹkùn sẹpọ fihe nulọ jọ te yin hùhù.

Kẹkẹkùntọ he yin hùhù lọ yin yinyọnẹn taidi Adeyemi.

Asisa de dọmọ, mẹhe to ohún de mẹ bo to gbejizọnlinzin sọn ayimatẹn Ekiti tọn mẹ bo dukosọ na nujijọ lọ lẹpo we yin bibẹyi ogbé lọ mẹ.

Iyiola Oyedepo he sọ yin ogán dopo to hagbẹ tonudọgbẹ́ All Progressive Congress tọn mẹ to ayimatẹn Kwara tọn mẹ hẹn diun dọ nujijọ lọ jọ nugbo to whenue e to hodọ podo nukunmọnu mitọn po to hodọdopọ de whenu to alokan ji to Azangaagbe.

E dọmọ, nọvisunnu emitọn yin finfin po omẹ awe devo lẹ po whenue yè zọ́nnuin na ṣiọdidi onọ̀ yétọn tọn he na waimẹ to Sibigbe to otò yétọn mẹ to Isanlu Isin.

Whenue e yin kinkanse vlavo mẹfintọ lọ lẹ ko ylọ ẹ nado biọ mẹfligọkuẹ de na taun tọn, e gblọn dọmọ, "lala.

Hoyidọtọ Ponọ ayimatẹn Kwara tọn, SP Ajayi Okasanmi dọ dọ, nujijọ lọ wa aimẹ nugbo.

E dọmọ, "mẹdopo yin hùhù bọ omẹ atọ̀n yin bibapò, sọgbe hẹ nudọnamẹ he tin to aimẹ.

"Ponọ lẹ ko yin sisẹ́do ogbé lọ mẹ nado sọgan whlẹ́n mẹhe yin finfin lọ lẹ bosọ wle mẹfintọ lọ lẹ."

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Ponọ_Kwara_tọn_lẹ_bẹ_mẹgbeyinyan_jẹeji_dile_mẹfintọ_lẹ_fin_omẹ_atọ̀n_bo_hù_mẹdopo&oldid=17886"