Ponọ India tọn lẹ wle Naijilianu awe po amasin adinọ cocaine po
Yọnnuzangbe, Whejisun 9, 2023
Naijilianu awe yin wiwle na yè mọ amasin adinọ cocaine okún 167 to oho yétọn mẹ to agahunglitẹn Mumbai tọn to India.
Sọgbẹ hẹ nuhe India TV dọ to oguzangbe, azọ́nwatọ sọn ogbẹ he nọ glọnalina nudepope zize yi fidevo he ma sọgbe hẹ osẹ́n dọ dọ omẹ awe lọ lẹ yin wiwle to agahunglitẹn daho Chhatrapati Shivaji Maharaj tọn sọn Awọnlin gbọn aliho Addis Ababa tọn ji to Ahọluzangbe.
Azọ́nwatọ ogbẹ́ he nọ glọnalina nudepope zize yi fidevo to aliho he ma sọgbe hẹ osẹ́n lẹ bẹ yé yi whẹdatẹn bo biọ dọ yé ni yin gbigbejepọn gbọn doto dali na yé sọgan do amasin adinọ he yin whiwhla do agbasa yétọn lẹ mẹ.
Sọgbe hẹ nuhe e dọ, doto lẹ mọdọ nugbo wẹ dọ, Naijilianu awe lọ lẹ whla amasin adinọ cocaine do oho yétọn bọ to azan atọ̀n gblamẹ, yé mọ amasinkún 167 gbọn afọdai gblamẹ.
Sọgbe hẹ azọ́nwatọ ogbẹ́ he nọ glọnalina nudepope zize yi fidevo to aliho he ma sọgbe hẹ osẹ́n te lẹ, amasinkún lọ bẹ lẹndopọ sọha amasin adinọ cocaine 2.97 kilo tọn hẹn bọ yé omẹ awe lẹ yin wiwle to Narcotic Drugs and Psychotropic Substances Act tọn glọ, whẹdatẹn wle yé do aṣẹpipa yétọn glọ.
Asisa lẹ[jlado | jla asisado]
- Ifeoluwa Awosoji. "India police arrest two Nigerians with cocaine capsules". — Punch. March 8, 2023
- "India police nab two Nigerians with cocaine capsules". — Vanguard. March 8, 2023