Ponọ Edo tọn lẹ whlẹn omẹ atọ̀n sọn alọ mẹfintọ lẹ tọn mẹ
Oguzangbe, Ayidosun 20, 2023
Ponọ ayimatẹn Edo tọn ko hẹn diun dọ omẹ atọ̀n ko yin whinwhlẹngán sọn alọ mẹfintọ lẹ tọn mẹ to osòdedomẹ de whenu to zungbó Emu tọn mẹ to gandudu dokọ Esan South East tọn to ayimatẹn lọ mẹ.
Mẹhe yin finfin lọ lẹ bẹ Sunday Okoye he tindo owhe 32, Eze Chukwu 50 po Michael Ilugbunan 49 po yin whinwhlẹn gbọn ogbẹ́ he to azọ́nwa dopọ he bẹ ponọ lẹ po vigilante lẹ po hẹn to ayimatẹn lọ mẹ.
Asisa he ma dẹn do nujijọ lọ de dọmọ, mẹhe yin finfin lọ lẹ to ohúnkun to ali Okhuessan-Emu tọn ji whenue yé yin finfin gbọn danuwatọ sòhẹntọ lẹ dali bo yin bibẹ yi zungbó mẹ.
Asisa lọ dọmọ, "Mẹfintọ lọ lẹ, enẹgodo, ylọ hagbẹ whẹndo mẹhe yin finfin lọ lẹ tọn, bo to bibiọ naira livi 10 taidi mẹfligọ̀kuẹ whẹpo yé nado yin tuntundote.
Asisa ponọ tọn de dọmọ, to whenue ogbẹ́ hihọ-basinamẹ tọn de sè linlin nujijọ lọ tọn, he yin vigilante lẹ kọnawudopọ po ponọ lẹ po nado kéjé zungbó lọ mẹ nado din mẹhe yin finfin lọ lẹ.
Asisa lọ doayiego dọ, whenue mẹfintọ lọ lẹ sọ́nukun mọ ogbẹ́ hihọ-basinamẹtọ he kọnawudopọ ehelẹ, yé jẹ osò de to afọdopolọ ji, to ojlẹ enẹ mẹ, yé họ̀nyi bo jo mẹhe yin finfin lọ lẹ do.
E dọmọ, mẹhe yin finfin lọ lẹ bo yin whinwhlẹn matin awugble depope ko yin hókanse do aliho he yè sọgan yangbe mẹfintọ he họ̀nyi lọ lẹ tọn.
Asisa lẹ
[jlado | jla asisado]- Adeyinka Adedipe. "Edo police rescue three abductees from kidnappers den"—Punch. June 20, 2023
- Uwakwe Benson. "Edo police rescue three abductees from kidnappers den"—The Times. June 20, 2023