Ponọ Delta tọn lẹ whlẹn ome awe he yin finfin

Azangaagbe, Lidosun 26, 2023

Ponọ Delta tọn lẹ ko whlẹn omẹ awe he yin finfin sọn mẹfintọ yétọn lẹ si to ECN Junction to aliho Agbarho-Ughelli tọn ji.

Ponọ lẹ sọ mọ nudevo lẹ yi sọn mẹfintọ lọ lẹ si taidi, alokan 26, Osò mẹyuu tọn dopo, sopẹ́n susu, zomọ he yè do nọ yi akuẹ (POS) awe, sẹgẹ yọnnu tọn awe po mọmọ po.

Mọdopolọ, yé sọ yi kẹkẹ afọ-atọ̀n-nọ he tindo nọmba KPE 73 QT sọn mẹfintọ he yè vẹnudo lọ lẹ si.

Linlinwe PUNCH Metro dọ dọ, to Lidosun 24, 2023, to nudi ogan 2 whemẹ tọn mẹ, Ponọ-gán he to anadenanu to Owvian Aladja, CSP Aliyu Shaba, mọ oylọ dọ, omẹ awe delẹ, Ovigwe Dagagba he tindo owhe 31 po Obinna Nwankwo he tindo owhe 29, yé ome awe lẹ tọn sọn lẹdo Usiefurun tọn to gandudu dokọ Ughelli South tọn to ayimatẹn lọ mẹ, yin finfin gbọn ogbẹ́ jaguda ẹnẹ delẹ he nọ zan kẹkẹ afọ atọn-nọ do finnu.

Ponọ-gán DPO dọ dọ, emi deanana ponọ delẹ nado yangbe mẹhe yin nuvẹdo lọ lẹ bosọ gbò nukọn na yé to ECN Junction to aliho Agbarho-Ughelli tọn ji.

To whenue yé jẹ osò de do yedelẹ ji, mẹfintọ lọ lẹ jo ohún po mẹhe yin finfin lọ lẹ po do bo họ̀nyi.

Adánwanu lẹ yin mimọ to mọto lọ mẹ, to whenuena mẹhe adángbò lọ lẹ yin whiwhlẹngán awuyẹyẹ-afọyẹyẹ.

Nado hẹn diun dọ nujijọ lọ jọ nugbo, Ponọ-gán hodọdopọ azọ́nwhé ayimatẹn lọ tọn, DSP Bright Edafe, dọmọ, "To whenue mẹgbeyinyan lọ to yiyi alọnu, Alọgọtọ devizọnwatọ Ponọ lẹ tọn, DCP Johnson Ademola ko sẹ́ ponọ delẹ hlan nado dike jijọho ni tin to aime."

Asisa lẹ

• Dele Ogunyemi. "Delta police rescue two kidnapped victims" —Punch. April 26, 2023
• Monday Osayande, Asaba. "Kidnapping: Delta police rescue two victims, recover 38 rounds of live cartridges" —The Guardian. April 26, 2023