Ponọ Awọnlin tọn lẹ wle jaguda mọto-fìntọ de, bosọ mọ mọto delẹ yí

Sọn Wikilinlin

Yọnnuzagbe, Whejisun 16, 2023

Ponọ ayimatẹn Awọnlin tọn lẹ ko wle mọto-fìntọ de to lẹdo Ojodu-Berger tọn mẹ to ayimatẹn lọ mẹ bosọ mọ mọto awè yí sọn e si.

Yèdọ to pọmẹ hẹ omẹ awè devo he ma ko yin mimọwlé to alọnu din delẹ po, Dayo Jimoh, dawe owhe gban-atọ́nnukundopo mẹvi he yè sawhẹ̀dokọna lọ, ko ze osò do mẹlẹ ji bo do hò mọto awè yí to Sibigbe he wayi.

Ponọ̀ lẹ hẹn nujijọ ehe zun yinyọnẹn to hodidọ he yin alọdoemẹ gbọn ponọ̀gán Benjamin Hundeyin dali de whenu to Oguzangbe.

Hundeyin yidogọ dọ vivẹnu ko to yinyin dido na alọ̀ nido jẹ mẹhe po lẹ go.

Hodidọ lọ hia dole, "Azọ́nwatọ Hagbẹ he nọ Yinuwa to Niyaniya mẹ (Rapid Response Squad) tọn lẹ ko wlé sunnu owhe gban-atọ́nnukundopo mẹvi de he nọ yin Dayo Jimoh, to aliho he tọ́n sọn Ojodu yì Berger to Awọnlin ji, to whenue ewọ po omẹ awè devo lẹ po (he ma ko yin mimọwlé) ze osò do mẹlẹ ji do hò mọto awè yí godo.

"Dayo yin wiwle to nudi ogàn widopo zanmẹ tọn mẹ to Sibigbe, azan widopotọ Whejisun, Owhe 2023 tọn mẹ, ojlẹ kleun de godo he ewọ po hagbẹ etọn lẹ po hò mọto Toyota Corolla 2003 tọn he wekun sọha yinkọzedai tọn BDG-946-GZ tin to e go de yí. Dawe lọ lẹ zọn mọto Toyota Camry 2005 tọn he sọha yinkọzedai tọn KRD-958-HS tin to e go de, ehe yé ko yí osò do hoyi sọn mẹde si wayi to Oworo, mẹ wá.

"Dile dodinnanu to yiyi to alọnu, mí dotuhomẹna mẹhe tọn wẹ mọto he yin mimọyi lọ lẹ yin lẹ, bọ sọ biọ dọ ye ni wá po kunnudenu he dohia dọ mọto yetọn wẹ lẹ po nado gọ mọto yetọn yí.

"To ojlẹ dopolọ mẹ, ponọ-gán Commander RRS, CSP Olayinka Egbeyemi ko dozolanmẹna sunnu etọn lẹ nado yidogọna vivẹnu yetọn nado wlé omẹ awè he po lọ lẹ.

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Ponọ_Awọnlin_tọn_lẹ_wle_jaguda_mọto-fìntọ_de,_bosọ_mọ_mọto_delẹ_yí&oldid=12929"