Peter Obi kẹalọyi wekànhlanmẹ azón jijodọ Okupe tọn taidi ogán anadenanutọ na vojijla ogbẹ́ Labour Party tọn

Ahọluzangbe, Awewesun 23, 2022

Mẹhe jlo na tọ́n na ayimatẹn-gán otògbo Naijilia tọn sọn ogbẹ́ Labour Party tọn mẹ (LP), he yin Peter Obi, ko kẹalọyi wekànhlanmẹ azọ́n jijodo tọn sọn Doyin Okupe si he yin ogán anadenanutọ na ogbẹ́ he to nukunpedo vojijla ayimatẹn-gán lọ tọn go.

Okupe basi nulila lọ gando azọ́n jijodo etọn go to Oguzangbe to godo he whẹdatẹn daho hugan mọdọ e hùwhẹ akuẹ fínfín tọn.

Whẹdatẹn lọ dawhẹ̀ naen nado yin zizedo ganpamẹ na owhe 2 ṣigba podo ojlo lọ po nado su #500,000 akuẹ whẹhùhù tọn to sẹnhẹngba dopodopo ji ehe lẹndopọ etọn lẹpo yi #13million.

Okupe yigbe nado sú akuẹ lọ to whenuena e sẹngàn po godo.

To wekànhlanmẹ de he yin sisẹdo Okupe, Obi yigbe dọ emi mọ vọkàn wekànhlanmẹ etọn tọn yi.

"Mẹdaho ṣie vivẹ Doyin, n'mọ wekànhlanmẹ towe nado jẹlá na ogbẹ́ lọ ma nado hẹn bẹwlu pla azọ́n dagbe he to yinyin wiwa lọ go nado hẹn otògbo lọ gọ̀ do alihò dagbe ji ehe a ko yin apadewhe etọn.

"E yin nudide de ehe n'na sisi taun", dile Obi dọ do.

E yidọgọ dọmọ: " E yin todido sie dọ whẹdatẹn lọ na ná Okupe dotẹnmẹ lọ nado klọ yinkọ etọn wé."

Asisa lẹ

• Ifreke Inyang. "Peter Obi accepts Okupe’s resignation as DG of Labour Party campaign". — Daily Post. December 21, 2022