PSG hò Milan nado gọ do adà dagbe yetọn to Champions League mẹ

Sọn Wikilinlin

Azangaagbe, Kọ́yànsun 26, 2023

Kylian Mbappe, Randal Kolo Muani podo Lee Kang-in po wẹ do agó dile Paris Saint-Germain lẹkọ do ojlẹ awhàngbigba tọn yetọn to Champions League mẹ podo agó 3-0 po sọta bọlu-hògbẹ́ AC Milan tọn to Azangaagbe. PSG tin to jejeji nado lẹkọ sọn gúgú agó 4-1 tọn sọta Newcastle to osẹ atọ̀n he wayi mẹ dile yé wleawuna bọlu-hòtọ dagbe lẹ sọta bọlu-hògbẹ́ Italianu lọ lẹ to Parc des Princes. Mbappe wẹ do agó tintan to adà tintan aihun lọ tọn whenu ehe yin agó aotọ na bọlu-hògbẹ́ tọn to owhe ehe mẹ, bọ Kolo Muani lọsu sọ do agó devo to ojlẹ kleun de godo to whenuena na adà tintan lọ wa vivọnu. Lee he wa yin didiọ do aihun lọ mẹ wẹ do agó atọ̀ntọ to ogàngodo, ehe yin agó tintan na bọlu-hòtọ Koreanu nukundeji lọ tọn na ogbẹ lọ. PSG jẹ nado mọ awhàngbigba ẹnẹ yi podo adà Ligue 1 tọn he tindo bọlu-hòtọ nukọntọn podo ṣẹnṣẹn susu lẹ po sọta Newcastle he ko tin to bẹwlu mẹ. "Homẹ ṣie hùn taun na wadotana mítọn," wẹ Kolo Muani dọ na linlindọtọ Canal Plus. "Awhàngbigba ehelẹ to nina omẹdopodopo adọgbigbo podọ mí dona zindonukọn to alihò ehe mẹ". Awhàngbigba agó 2-0 tọn sọta Borussia Dortmund to bẹjẹeji agbàwhinwlẹn yetọn to mẹ ko ze PSG do otẹn tintan mẹ to pipli F podo agó (points) ṣidopo po whẹpo yé nado lẹkọ yi Milan. Alemọtọ European Champions League tọn na wla ṣianwe tin to odo to todohukanji tọn podo agó (points) awe po ehe ko hẹn lẹnpọn daho wa na adà Stefano Pioli tọn. "Na nugbo tọn mi ma tin to adà dagbe mẹ," wẹ Pioli dọ. "N to linlẹn dọ Newcastle ma na hò Dortmund na e na yin alọgọ de na mi ṣigba mí ma sọgan to linlẹn dọ kọdetọn depo lẹ na yi to alihò mítọn mẹ."

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=PSG_hò_Milan_nado_gọ_do_adà_dagbe_yetọn_to_Champions_League_mẹ&oldid=18927"