Ovi jọja de deso do viyọnnu owhe atọ̀n-mẹvi de bọ e kú
Sibigbe, Whejisun 11, 2023
Visunnu owhe wiatọ̀n-mẹvi de ko deso bo hù viyọnnu owhe atọ̀n-mẹvi de to gbétato Kukudi tọn mẹ, to Imasayi to Lẹdo Gandudu Dóko tọn Yewa North tọn mẹ to ayimatẹn Ogun tọn.
Hoyidọtọ Ponọ̀ ayimatẹn lọ tọn, SP Abimbola Oyeyemi, dọ to Ahọluzangbe dọ, osò gbéyantọ lẹ tọn de wẹ visunnu lọ de do viyọnnu lọ.
E dọ dọ dawe owhe 45 mẹvi he tindo osò he yè de domẹ lọ ko yin wiwle sú na yamakinanu wutu.
Oyeyemi dọ dọ, "Dodinnanu he yé basi jẹnukọn dohia dọ dawe lọ ko bẹ́ sopẹ́n do osò gbeyantọ lẹ tọn etọn mẹ, bo ze e do họ̀godo etọn fie ovi lẹ nọ daihun te".
"Finẹ wẹ visunnu owhe wiatọ̀n-mẹvi lọ yi ze oso lọ te, bo ze oso lọ pannukọn viyọnnu lọ bo deso do e.
viyọnnu lọ yin zize sọyi Dotowhe daho ahọlu tọn, to Ilaro, fihe Doto hẹn ẹn họnwun te dọ é ko kú."
Asisa lẹ
[jlado | jla asisado]- Agency Report. "Ogun teenager shoots three-year-old girl dead". — Punch. March 11, 2023
- "Shock as teenager shoots three-year-old girl to death in Ogun" — PM News. March 10, 2023